Աշխարհի տարբեր կողմերից Ս. Թադեի վանք կժամանեն ավելի քան 5000 հայ ուխտավորներ

Իրանի Չալդրան քաղաքի կուսակալն ակնարկելով այն կետին, որ այս տարի Ս. Թադես Առաքյալի վանք կատարվող ուխտագնացությունն ու կրոնական արարողությունը տեղի կունենա  հուլիսի 27-ից 29-ի ընթացքում, ասաց, որ այդ քաղաքը պատրաստվում է հյուրընկալելու աշխարհի տարբեր անկյուններից ժամանող հինգ հազար հայ ուխտավորների:

Քարիմ Հոսեյնզադեն երեքշաբթի օրն այս արարողության համադրման նիստում նաև հավելեց. «Այս նպատակով բացի շարժական բուժկենտրոնների, փրկարարական ու ճանապարհային օժանդակության խմբերի, հրշեջների ու նաև ճանապարհային ոստիկանության տեղակայումից, ուխտավորներին սննդամթերք վաճառելու նպատակով բազմաթիվ տաղավարներ են նկատի առնվել»:

Նրա ընդգծմամբ նախատեսվում է հինգ հազար ուխտավորներ մասնակցեն այս տարվա ուխտագնացության արարողությանը, սակայն առավել մեծ ուխտավորների ընդունելու համար նույնպես համապատասխան ծրագրավորում է կատարվել:

«Այս տարի տեղի է ունենալու Ս. Թադեոս Առաքյալի վանքի 63-րդ ուխտագնացությունը և քաղաքի կուսակալությունը, Մշակութային ժառանգության, ձեռարվեստի ու զբոսաշրջության կազմակերպության և Ատրպատականի հայոց թեմական խորհրդի համագործակցությամբ ստանձնել է այդ արարողությունը կազմակերպելու պատասխանատվությունը»,-հավելել Չալդրանի կուսակալը:

Հոսեյնզադեն ընդգծեց. «Իսլամ կրոնը խաղաղության ու եղբայրության կրոն է և իսլամական Իրանում տարբեր կրոնների հետևորդների կրոնական արարողությունների կազմակերպումը վկայում է Իրանում խաղաղ համակեցության գոյության մասին»:

 

 

 

Parstoday

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով