Սերժ Սարգսյանը գնում է կռվի՞, թե՞ հաշտության

By | 22.06.2017
Загрузка...

Սերժ Սարգսյանը մեկնել է Բրյուսել, որտեղ հունիսի 22-ին կմասնակցի ԵԺԿ գագաթնաժողովին: Սարգսյանը վերջին անգամ Բրյուսելում էր խորհրդարանական ընտրություններից անմիջապես առաջ՝ փետրվարի 26-28-ը, և այդ ընթացքում էլ հայտարարվեց, որ Հայաստանի ու Եվրամիության միջև շրջանակային նոր համաձայնագրի շուրջ բանակցությունն ավարտվել է:

Դրանից հետո Երևանում, արդեն նախընտրական քարոզարշավի ընթացքում համաձայնագիրը նախաստորագրվեց, ընդ որում բավականին անաղմուկ, այսպես ասած՝ անաղմուկ ընտրության շղթայում: Դրան հաջորդեց ընտրությունը, որին էլ հաջորդեց Եվրամիության համեմատաբար բարձր գնահատականն այդ ընտրությանը, իհարկե նախորդ գնահատականների հետ համեմատության մեջ: Ընդ որում, մինչ այդ հայտարարվում էր, որ համաձայնագրի ստորագրումը սպասվում է մայիսին, սակայն դրանից հետո պարզվեց, որ համաձայնագրի ստորագրումը նախատեսվում է նոյեմբերին:

Ինչո՞ւ մայիսը դարձավ նոյեմբեր՝ պարզ չեղավ, հղում արվեց տեխնիկական բարդություններին, ԵՄ անդամ 28 երկրների համաձայնություններին և այլն: Ժամանակի ընթացքում սակայն սկսեցին հնչել կասկածներ, որ Հայաստանը կարող է իրապես ստորագրել համաձայնագիրը և չի կրկնվի 2013 թվականի սեպտեմբերի 3-ի պատմությունը: Այդ մտահոգությունների կրակին ոչ միայն շշով, այլ ըստ էության դույլով ջուր լցրեց ընդամենն օրեր առաջ ծագած սկանդալային պատմությունը, երբ արդարադատության նախարար Դավիթ Հարությունյանն ու մյուս ՀՀԿ-ականներն ուղղակի բավականին կոշտ արձագանքի արժանացրին ԵՄ դեսպան Պյոտր Սվիտալսկու, կարծես թե, ընդհանուր առմամբ սովորական հայտարարությունը, որակելով այն ներքին գործերին միջամտություն:

Բանավեճը շարունակվում է առ այսօր, քանի որ ՀՀԿ-ականներն առ այսօր շարունակում են այդ գնահատականները: Իսկ դա չի կարող տեղի ունենալ առանց Սերժ Սարգսյանի հավանության: Փաստորեն, Սերժ Սարգսյանը՝ Բրյուսել ԵԺԿ գագաթնաժողովի է մեկնում առնվազն դեսպանի մակարդակով Եվրամիության հետ սկանդալի պայմաններում, որի հրահրողը ըստ էության հենց պաշտոնական Երևանն է: Թե որն է դրա նպատակը, պարզ չէ: Շատերը կարծիք են հայտնում, որ Ռուսաստանը Երևանին հերթական անգամ ճնշում է և չի ուզում ստորագրել ԵՄ-ի հետ համաձայնագիրը, և այդ իսկ պատճառով Սերժ Սարգսյանն առիթ է փնտրում: Կա տեսակետ, որ Սարգսյանի համար այդ սկանդալը միջոց է Եվրամիության հետ իր քաղաքական ապագայի հարցերը քննարկելու և իր համար ցանկալի ընթացք ապահովելու համար:

Ինչի համար է Սարգսյանը մեկնում Բրյուսել՝ «կռիվը» ավելի բարձր մակարդակով շարունակելո՞ւ, հաշտություն կնքելո՞ւ, թե՞ ԵՄ-ի հետ համաձայնագրի ստորագրումից առաջ, այսպես ասած՝ խաղարկելով սկանդալային պատմությունը Եվրամիությունից իր ծրագրերի քաղաքական աջակցություն ստանալու, հակառակ դեպքում՝ սպառնալով հրաժարվել ստորագրումից:

Իհարկե հարաբերական է ասել, որ Եվրամիության համար դա կլինի սպառնալիք, քանի որ այդ համաձայնագիրն ըստ էության Հայաստանին է պետք ավելի, քան Եվրամիությանը: Բայց, անկասկած, Բրյուսելի համար էլ կարևոր է Հայաստանի հետ հասնել գոնե այդ փաստաթղթի ստորագրմանը: Այսպես թե այնպես, Հայաստան-ԵՄ այս աղմուկն ինքնին արդեն հարված է Հայաստանին, եթե նկատի առնենք, օրինակ, այն, որ Եվրամիության հետ մեկ էլ այդօրինակ «բազարների» մեջ են Էրդողանը, Պուտինն ու Ալիևը: Հայաստանը մի անգամ արդեն իսկ չափազանց ծանր գին է վճարել այդ եռյակի հետ մեն մենակ մնալով:

 

 

 Հոդվածը` 1in.am -ի

Ովքեր են Ստեփանակերտում բողոքի ակցիա իրականացնողները. «նրանցից մեկը Վադիմ Ռաջաբի Գրիգորյան կամ Վադիմ Ռաջաբ օղլի Վելիևն է»

21.02.2020

Բողոքի ակցիա Արցախում․ կան բերման ենթարկվածներ

21.02.2020

«Իմ քայլը»դաշինքից ադրբեջանասեր պատգամավոր Մարիա Կարապետյանը քննարկում է դպրոցներում միասեռականության, սեռափոխության և այլ այլասերումների ու պղծությունների վերաբերյալ դասաժամերի ներմուծման անհրաժեշտության հարցը

17.02.2020

Կեցցե այն Հայաստանը, որտեղ «զինվորը» վերջին սերնդի ամենագնացով, թիկնազորով է պաշտպանում վարձակալած տունը

19.02.2020

«Ես գալիս եմ, տեղ ու ժամ ասա…».Մենուա Հարությունյանը`Պետրոս Ղազարյանին

22.02.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...