Նվագախմբի բոլոր անդամները ներկա են եղել շենքում, բայց դուրս չեն եկել ելույթի․ Կարինե Կիրակոսյան

Երեկ Ալեքսանդր Սպենդիարյանի անվան օպերայի և բալետի ազգային ակադեմիական թատրոնում կայանալիք «Գայանե» բալետը չի կայացել` նվագախմբի անդամների ներկա չգտնվելու պատճառով։

-Երեկ տեղի ունեցած տհաճ միջադեպի առիթով այսօր առավոտյան կայացել է ժողով, որին մասնակցել է նաև ՀՀ մշակույթի նախարար Արմեն Ամիրյանը,— լրագրողների հետ հանդիպման ժամանակ ասաց թատրոնի տնօրենի առաջին տեղակալ Կարինե Կիրակոսյանը։ Կիրակոսյանի խոսքով` նվագախմբի բոլոր անդամները ներկա են եղել շենքում բայց դուրս չեն եկել ելույթի։ Երեկ դահլիճը լեփ-լեցուն էր, բացի հայաստանցի ունկնդրից, հանդիսատեսի թվում էին նաև մեծ թվով արտասահմանցի հյուրեր։

— Առհասարակ նման անհարգալից վերաբերմունքը հանդիսատեսի նկատմամբ անթույլատրելի էր նվագախմբի կողմից։ Արմեն Ամիրյանն այսօր ժողովին պահանջեց, որպեսզի այս ամենի կազմակերպիչները ոտքի կանգնեն և իրենց պահանջները ներկայացնեն։ Ոչ ոք վեր չկացավ։

Տնօրենի տեղակալը նշեց, որ հիմա նվագախմբի 80-ից ավելի երաժիշտներ բացատրագրեր են գրում և մեղավորները խստորեն կպատժվեն Աշխատանքային օրենսգրքով։ Նվագախումբը պետք է ղեկավարեր դիրիժոր Աթանես Առաքելյանը, ով մինչև վերջին պահը սպասում էր, թե երբ պետք է հրավիրվի բեմ։

Ինչ վերաբերում է կրճատումներին, ապա Կ. Կիրակոսյանի փոխանցմամբ’ դրանք արվում են թատրոնի առողջացման համար։ Կրճատվողները տասն են, այդ թվում փոխտնօրեններ և չեն մտնում ստեղծագործական կազմի մեջ։

 

Նմանատիպ նորություններ

90-ականների համատարած թալանն ու սեփականաշնորհումը․... Համատարած փլուզումն ու դրան զուգահեռ թալան բնորոշվող երևույթը, որի մասին խոսում են վերջին տարիներին, եղել է այն ժամանակաշրջանում, երբ խորհրդային 7...
2020 թվականին Հայաստանում 15-20 հազար մարդ կդառնա ... «Ժամանակ» թերթը գրում է. «2020թ. հունվարի 1-ից ուժի մեջ են մտնում ԵՏՄ շրջանակում գործող մաքսային կարգավորումները, որոնք վերաբերում են երրորդ եր...
Պետք է պատրաստ լինել, որ նման տեմպերով գալիք գարնա... Ավարտվեց ԵԱՀԿ Մինսկի խմբի համանախագահների հերթական տարածաշրջանային այցը, թեպետ այս անգամ կոչել այն տարածաշրջանային կարելի է միայն պայմանականորեն, ...
«Ոչի՛նչ և ո՛չ ոք չի կարող մեզ հետ պահել. Կրկնում ե... ԱԺ նախկին փոխնախագահ Էդուարդ Շարմազանովը ֆեյսբուքյան իր էջում գրում է. «Ոչի՛նչ և ո՛չ ոք չի կարող մեզ հետ պահել։ Կրկնում եմ, ո՛չ ոք և ոչի՛նչ։...
Կատարվել է ծննդաբերության գնի բարձրացում. գումարնե... https://www.facebook.com/ATorosyanOfficial/videos/1024581901072522/ «Կատարվել է ծննդաբերության գնի բարձրացում՝ 107 հազարից 140 հազար դրամ, ինչպես ն...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով