Նոր մանրամասներ Վանաձորում հնչած կրակոցներից

By | 23.06.2017
Загрузка...

SHAMSHYAN.com-ի փոխանցմամբ՝ ՀՀ քննչական կոմիտեի Լոռու մարզի քննչական վարչության Բազումի քննչական բաժնում սպանության փորձի հատկանիշով հարուցվել է քրեական գործ՝ ՀՀ քր. օր.-ի 104 հոդվածի 1-ին մասի և 235 հոդվածի 1-ին մասի հատկանիշներով:

Ինչպես հայտնում է ֆոտոլրագրող Գագիկ Շամշյանը, 2016 թ.-ի հուլիսի 3-ին Վանաձոր քաղաքի Մայմեխի խճուղուն հարակից հանդամասում տեղի էր ունեցել վիճաբանություն, որի ժամանակ Վանաձոր քաղաքի Տավրոսի 4-րդ փողոցի 2-րդ նրբանցքի բնակիչ, 31-ամյա Արմեն Ոփյանը իր մոտ եղած Մակարով տիպի ատրճանակով ապօրինաբար, կյանքից զրկելու դիտավորությամբ մի քանի անգամ կրակել է Վանաձոր քաղաքի Օրբելի փողոցի 14 տանը հաշվառված, սակայն Վանաձոր քաղաքի Զորավար Անդրանիկի փողոցի 8-րդ շենքում բնակվող, 56-ամյա Ռոբերտ Մարտիրոսյանի ուղղությամբ: Գ. Շամշյանի տեղեկություններով՝ Ա. Ոփյանը իր կամքից անկախ հանգամանքներում հանցագործությունն ավարտին չի հասցրել, քանի որ վրիպել է:

Իսկ ՀՀ քննչական կոմիտեի Լոռու մարզի քննչական վարչությունը հանձնարարական է ուղարկել ոստիկանության Բազումի բաժին, որպեսզի ոստիկանությունը պարզի այն անձի ինքնությունը, ով Ա.Ոփյանին տրամադրել է «Մակարով» տիպի ատրճանակը և ռազմամթերք հանդիսացող փամփուշտները: Ոստիկանությունն ու քննչական բաժինը ձեռնարկում են անհրաժեշտ օպերատիվ-հետախուզական և քննչական համատեղ գործողություններ՝ ատրճանակը և փամփուշտներ իրացնող անձի ինքնությունը պարզելու, նրան և ատրճանակը հայտնաբերելու ուղղությամբ: Գ. Շամշյանի տեղեկություններով՝ Ա. Ոփյանը անհատ ձեռներեց է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

 

© shamshyan.com

Ովքեր են Ստեփանակերտում բողոքի ակցիա իրականացնողները. «նրանցից մեկը Վադիմ Ռաջաբի Գրիգորյան կամ Վադիմ Ռաջաբ օղլի Վելիևն է»

21.02.2020

Բողոքի ակցիա Արցախում․ կան բերման ենթարկվածներ

21.02.2020

«Իմ քայլը»դաշինքից ադրբեջանասեր պատգամավոր Մարիա Կարապետյանը քննարկում է դպրոցներում միասեռականության, սեռափոխության և այլ այլասերումների ու պղծությունների վերաբերյալ դասաժամերի ներմուծման անհրաժեշտության հարցը

17.02.2020

Կեցցե այն Հայաստանը, որտեղ «զինվորը» վերջին սերնդի ամենագնացով, թիկնազորով է պաշտպանում վարձակալած տունը

19.02.2020

«Ես գալիս եմ, տեղ ու ժամ ասա…».Մենուա Հարությունյանը`Պետրոս Ղազարյանին

22.02.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...