ՆԱԽԱԳԱՀԸ ԸՆԴՈՒՆԵԼ Է ՃԱՊՈՆԻԱՅԻ ԽՈՐՀՐԴԱՐԱՆԱԿԱՆ ԱԳ ՆԱԽԱՐԱՐԻ ՏԵՂԱԿԱԼ ՄՈՏՈՄԵ ՏԱԿԻՍԱՎԱՅԻՆ

Նախագահ Սերժ Սարգսյանն այսօր ընդունել է տարածաշրջանային այցով Հայաստան ժամանած Ճապոնիայի խորհրդարանական արտաքին գործերի նախարարի տեղակալ Մոտոմե Տակիսավային:

Հանրապետության Նախագահը ողջունել է հյուրին և նշել, որ բարձր մակարդակի այցերը լավ հնարավորություն են քննարկելու երկկողմ հարաբերությունների ընթացիկ օրակարգը, ինչպես նաև տարածաշրջանային և միջազգային արդի հարցերը: Նախագահը հույս է հայտնել, որ Մոտոմե Տակիսավայի այցը նոր խթան կհանդիսանա հայ-ճապոնական միջպետական կապերի ամրապնդման գործում:
Նախագահ Սարգսյանը ջերմությամբ է հիշել 2012 թվականին Ճապոնիա կատարած իր այցը և հանդիպումները Կայսր Ակիհիտոյի ու երկրի բարձրագույն ղեկավարության հետ, որոնք Նախագահի գնահատմամբ, անցել են փոխվստահության և ջերմ մթնոլորտում:

Զրուցակիցները երկուստեք գոհունակությամբ են արձանագրել վերջին տարիներին Հայաստանի և Ճապոնիայի միջև երկկողմ հարաբերությունների զարգացման դրական դինամիկան: Հանրապետության Նախագահը նշել է, որ 2010 թվականին Հայաստանում և 2015 թվականին Ճապոնիայում դիվանագիտական ներկայացուցչությունների բացմամբ նոր հնարավորություններ բացվեցին երկու երկրների միջև բարեկամության և գործընկերության հետագա զարգացման համար: Կողմերը համակարծիք են եղել, որ վերջին շրջանում զգալի ակտիվացած փոխադարձ այցերը վկայում են հայ-ճապոնական գործընկերային հարաբերությունների ընդլայնման փոխադարձ պատրաստակամության մասին:

Հանդիպմանը զրուցակիցներն անդրադարձել են երկու երկրների միջև միջխորհրդարանական համագործակցության, առևտրատնտեսական, փոխադարձ հետաքրքրություն ներկայացնող մի շարք ոլորտներում՝ տեղեկատվական տեխնոլոգիաների, զբոսաշրջության, տարերային աղետների կանխարգելման և ենթակառուցվածքների զարգացման ոլորտներում հարաբերությունների խորացման հնարավորություններին և ծրագրերին:

Նախագահ Սերժ Սարգսյանը շնորհակալություն է հայտնել Ճապոնիայի կառավարությանը Հայաստանի զարգացման գործում շարունակական աջակցության համար՝ վարկային, դրամաշնորհային, տեխնիկական աջակցության ու այլ ծրագրերի միջոցով:

Նմանատիպ նորություններ

Հայաստանը լրջագույն վտանգների առջև, ծանր իրավիճակո... LIVEnews.am-ի եթերում Հայաստանի և Արցախի առջև ծառացած արտաքին ու ներքին մարտահրավերների վերաբերյալ իրենց կարծիքն ու մտահոգություններն են հայտնում ...
ՀՀՇ-ականները ներթափանցում են իշխանության «վերին էշ... ՀՀՇ-ականների ներթափանցումն իշխանության «վերին էշելոններ» փաստում է այն մասին, որ հեղափոխական իշխանությունը չի պատրաստվում դատապարտել իշխանության բ...
«Ալեքս հոլդինգը» նախորդ տարվա համեմատ 24.6 % պակաս... ՀՀ կառավարությանն առընթեր պետական եկամուտների կոմիտեն հրապարակել է 2018 թվականի հունվար-դեկտեմբերի արդյունքներով 1000 խոշոր հարկատուների ցանկը, որ...
«Կադրային ապաշնորհ քաղաքականությունը կքանդի այն ամ... Կադրային ապաշնորհ քաղաքականությունը կքանդի այն ամենը ինչի վրա կառուցվեց այս իշխանափոխությունը: Հիշումեք՞ մարդիկ ժամանակին խոսում էին,որ իրենք պ...
Մինչ Վարչապետը կոչ է անում ժողովրդին հարկեր վճարել... ՊԵԿ-Ը ՀՆԴԿԱԿԱՆ ԿՈՌՈՒՊՑԻԱՅԻ ՄԱՍՆԱԿԻ՞Ց Մինչ Վարչապետը կոչ է անում ժողովրդին հարկեր վճարել և ՀԴՄ կտրոններ պահանջել ՊԵԿ-ը դանդաղ բայց հաստատուն...
«Քանզի չունեմ ծանոթներ, թողնում են դրսում, իսկ 23 ... «ՊԵԿ-ի նախագահի առաջին տեղակալ Մաշադյանի 23 տարեկան տղան՝ Հարություն Մաշադյանը, ով զինվորական ծառայություն չի անցել,  նշանակվել է Երևանի կայազորի ...
Միայն փաստեր #10. Հայոց Ցեղասպանության միջազգային ... Միայն փաստեր #10. Հայոց Ցեղասպանության միջազգային ճանաչում: Տեսանյութը՝ Սերժ Սարգսյանի ոչ պաշտոնական էջից.  ...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով