ՀՀ կառավարության ծրագիրն ընդունվել է

By | 22.06.2017

Հունիսի 22-ին ՀՀ Ազգային ժողովը շարունակել է քննարկել «Հայաստանի Հանրապետության կառավարության ծրագրին հավանություն տալու մասին» հարցը:

Պատգամավորները շարունակել են իրենց տեսակետները հայտնել փաստաթղթի վերաբերյալ

Կարեն Ավագյանի գնահատմամբ՝ կառավարության ծրագիրը շատ հստակ է, այն ուղղված է երկրի անվտանգության ապահովմանն ու քաղաքացիների բարեկեցության բարձրացմանը: Նա կարեւորել է բարձրագույն կրթության, առողջապահության, գիտության ոլորտներում նախատեսված փոփոխությունների իրականացումը: Կորյուն Նահապետյանը բարձր է գնահատել կառավարության ծրագիրը, որը, ըստ նրա, որակական բարձր հատկանիշներով էապես տարբերվում է նախորդ ծրագրերից: Կորյուն Նահապետյանի խոսքով՝ առկա է նաեւ բավարար քաղաքական կամք՝ իրականացնելու ծրագրային բոլոր դրույթները: Աղվան Վարդանյանը գործնական է գնահատել ծրագիրը եւ նշել, որ այն տարբերվում է իր հստակությամբ եւ տարբեր ոլորտներում նախատեսված բարեփոխիչ միջոցառումներով:

Ծրագրի վերաբերյալ դիրքորոշումներն են հայտնել ՀՀ ԱԺ խմբակցությունները

ՀՀ ԱԺ ՀՅԴ խմբակցության ղեկավար Արմեն Ռուստամյանը կարեւորել է ծրագրային առաջնահերթությունների իրականացումը, կոռուպցիայի դեմ պայքարին ուղղված միջոցառումները, արդար ու թափանցիկ կադրային քաղաքականության իրականացումը: Նա գործնական է գնահատել ծրագիրը եւ համոզմունք հայտնել, որ առկա է բավարար քաղաքական կամք այն իրականացնելու համար: Խմբակցությունը կողմ է քվեարկելու «ՀՀ կառավարության ծրագրին հավանություն տալու մասին» հարցին:

ՀՀ ԱԺ «Ելք» խմբակցության ղեկավար Նիկոլ Փաշինյանը վերլուծել է կառավարության նախորդ՝ 2012-2017 թվականների ծրագրի իրականացման գործընթացը եւ կարծիք հայտնել, թե այն հիմնականում չի իրագործվել: Խմբակցության ղեկավարը խոսել է նաեւ ժողովրդագրական խնդիրների, աղքատության կրճատման, բանակաշինության եւ այլ հարցերի մասին, քննադատել տարբեր ոլորտներում իշխանությունների վարած քաղաքականությունը: Նիկոլ Փաշինյանը տեղեկացրել է, որ «Ելք» խմբակցությունը դեմ է քվեարկելու ծրագրին:

ՀՀ ԱԺ «Ծառուկյան» խմբակցության տեսակետը ներկայացրել է ՀՀ ԱԺ փոխնախագահ Միքայել Մելքումյանը: Նա եւս անդրադարձել է կառավարության նախորդ ծրագրին եւ կարծիք հայտնել, թե դրա ծրագրային բոլոր դրույթները ձախողված են: Ներդրումների վերաբերյալ խոսելով՝ նա նշել է, որ դրանց ներգրավմանը խոչընդոտում է քաղաքական որոշումների կայացման մեխանիզմի կարգավորված չլինելը: Պարոն Մելքումյանն անդրադարձել է տնտեսության տարբեր ճյուղերում իրականացվող քայլերին, մատնանշել առկա խնդիրները: «Տեսանելի չեն նաեւ կառավարության ծրագրի իրականացման քաղաքական երաշխիքները»-, ասել է Միքայել Մելքումյանը եւ հավելել, որ «Ծառուկյան» դաշինքը դեմ է քվեարկելու կառավարության ծրագրին:

ՀՀ ԱԺ ՀՀԿ խմբակցության դրական տեսակետը ներկայացրել է խմբակցության ղեկավար Վահրամ Բաղդասարյանը: Նրա գնահատմամբ՝ ծրագիրն իրատեսական է, կառուցողական եւ Հանրապետական խմբակցությունն ավելի քան համոզված է, որ միասնական աշխատանքի դեպքում հնարավոր է հասնել հաջողության եւ իրականացնել այն գործնականում: Ըստ նրա՝ ծրագիրը տալիս է բոլոր հարցերի պատասխանները, եւ այն կարող է երկիրը տանել զարգացման ճանապարհով: ՀՀԿ խմբակցությունը կողմ է քվեարկելու ՀՀ կառավարության ծրագրին:

ՀՀ կառավարության ծրագրի վերաբերյալ ելույթ է ունեցել ՀՀ ԱԺ նախագահ Արա Բաբլոյանը

ՀՀ Ազգային ժողովի նախագահի ելույթն ամբողջությամբ տես այստեղ :

Եզրափակիչ ելույթ է ունեցել ՀՀ վարչապետ Կարեն Կարապետյանը

ՀՀ վարչապետը շնորհակալություն է հայտնել խորհրդարանին ծրագրի շահագրգիռ եւ կառուցողական քննարկման, քննադատության, ինչպես նաեւ առաջարկների համար: Վարչապետն անդրադարձել է ընդդիմադիր պատգամավորների ելույթներում հնչած դիտողություններին, տվել պարզաբանումներ՝ նշելով, որ դրանք երբեմն դուրս են եկել աշխատանքային սահմաններից, ունեցել զգացմունքային շեշտադրումներ: Ըստ ՀՀ վարչապետի՝ կառավարության ծրագիրն իրագործելի է, իրատեսական, հստակ պատկերացվում են անելիքները, ուստի նա կոչ է արել խորհրդարանին քվեարկել խղճի մտոք՝ չելնելով միայն քաղաքական նկատառումներից:

«ՀՀ կառավարության ծրագրին հավանություն տալու մասին» հարցը քվեարկության արդյունքում ընդունվել է 64 կողմ, 31 դեմ ձայներով:

ՀՀ ԱԺ նախագահ Արա Բաբլոյանը տեղեկացրել է, որ հուլիսի 6-ին  կգումարվի ՀՀ ԱԺ արտահերթ նստաշրջան:

«Քրեական գործ է հարուցվել պոռնոտեսանյութերի արտադրությամբ և տարածմամբ զբաղվող տրանսվեստիտի կողմից մանկապարտեզներ այցելելու մասին ԱԱԾ ուղարկված իմ դիմումի կապակցությամբ».Նարեկ Մալյան

26.05.2020

Երևանում օրգազմի մասին պատմող գրքեր են բաժանել երեխաներին

25.05.2020

Նիկոլ Փաշինյանի հրաժարականի խոսքը

28.05.2020

«Հիմա, էդ դիմակը դրած լայվ ես մտնում, որ ի՞նչ ապացուցես՝ որ ո՞ւղտ չես․․․».Մարգարիտ Եսայանը՝ Փաշինյանին

25.05.2020

Վաղ առավոտյան սպեցնազն անցել է գործի. Սյունիքում տեղի են ունենում զանգվածային ձերբակալություններ.«Փաստինֆո»

24.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով