Հանձնարարվել է շարունակել խստացված հսկողությունը շինարարական աղբը ոչ սահմանված վայրերում թափելու դեպքերը բացառելու ուղղությամբ

By | 05.06.2017

Երևանի քաղաքապետարանում կայացած աշխատանքային հերթական խորհրդակցության ժամանակ, որը վարել է քաղաքապետ Տարոն Մարգարյանը, չնախատեսված վայրերում կենցաղային, ինչպես նաև շինարարական աղբը թափելու դեպքերի հայտնաբերման ու կանխարգելման աշխատանքների հետ կապված զեկուցվել է, որ նախորդ շաբաթ կազմվել է 9 վարչական արձանագրություն: Հանձնարարվել է շարունակել ամենօրյա հսկողությունը, մասնավորապես աղբի տեղափոխման ժամանակացույցի պահպանման նկատմամբ: Բացի այդ, հանձնարարվել է «Սանիթեք» ընկերության հետ համատեղ գույքագրել այն հասցեները, որտեղ, համաքաղաքացիների փոխանցմամբ, նկատվում է աղբամանների պակաս և քայլեր ձեռնարկել դրանք ավելացնելու ուղղությամբ:

Զեկուցվել է, որ ի կատարումն քաղաքապետի հանձնարարականի` նախորդ շաբաթ քայլեր են ձեռնարկվել մասնավորապես շինարարական աղբը ոչ սահմանված վայրերում թափելու դեպքերը կանխարգելելու և դրանք համապատասխան աղբավայր տեղափոխելու ուղղությամբ։ Զեկուցվել է նաև, որ իրականացված հսկողության շրջանակում արձանագրվել են դեպքեր, երբ ոչ սահմանված վայրերում շինարարական աղբը թափելու համար որոշ անհատներ ապօրինի գումարներ են գանձում: Քաղաքապետ Տարոն Մարգարյանը հանձնարարել է արձանագրված վերոնշյալ դեպքերի հետ կապված տեղեկությունները փոխանցել ոստիկանության Երևան քաղաքի վարչությանը՝ դրանց համապատասխան ընթացք տալու համար: Հանձնարարվել է նաև գույքագրել սեփականություն հանդիսացող բոլոր այն տարածքները, որոնք վերածվել են շինարարական աղբի կուտակման վայրերի, և օրենքով սահմանված կարգով քայլեր ձեռնարկել` պարտադրելու սեփականատերերին տվյալ տարածքները պատշաճ տեսքի բերել, իսկ այդ աշխատանքները չկատարելու դեպքում իրականացնել օրենսդրությամբ նախատեսված խնդրի կարգավորմանն ուղղված համապատասխան միջոցառումներ:

 

Երևանի քաղաքապետարանի տեղեկատվության
և հասարակայնության հետ կապերի վարչություն

«Քրեական գործ է հարուցվել պոռնոտեսանյութերի արտադրությամբ և տարածմամբ զբաղվող տրանսվեստիտի կողմից մանկապարտեզներ այցելելու մասին ԱԱԾ ուղարկված իմ դիմումի կապակցությամբ».Նարեկ Մալյան

26.05.2020

Երևանում օրգազմի մասին պատմող գրքեր են բաժանել երեխաներին

25.05.2020

Նիկոլ Փաշինյանի հրաժարականի խոսքը

28.05.2020

«Հիմա, էդ դիմակը դրած լայվ ես մտնում, որ ի՞նչ ապացուցես՝ որ ո՞ւղտ չես․․․».Մարգարիտ Եսայանը՝ Փաշինյանին

25.05.2020

Վաղ առավոտյան սպեցնազն անցել է գործի. Սյունիքում տեղի են ունենում զանգվածային ձերբակալություններ.«Փաստինֆո»

24.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով