Թուրքիայում ձերբակալվել է «Ասելսան» ռազմարդյունաբերական ընկերության 8 աշխատակից

By | 07.06.2017

Հունիսի 7-ին ձերբակալվել է թուրքական «Ասելսան» խոշոր ռազմարդյունաբերական ընկերության 8 աշխատակից: Նրանք մեղադրվում են Ֆեթուլլա Գյուլենի «ահաբեկչական կառույցին» անդամակցելու համար:Այս մասին հայտնում է թուրքական «Հյուրիեթ» պարբերականի կայքը:

Հետաքննությունը վարում է Անկարայի գլխավոր դատախազությունը: Բացի «Ասելսան» ընկերության աշխատակիցներից, ձերբակալվել է նաև այլ կառույցների 10 աշխատակից: Ընդհանուր առմամբ, ձերբակալվածների թիվը հասնում է 18-ի:

Նշենք, որ ավելի վաղ՝ այս տարվա մարտին, «Ասելսան» ընկերության ևս 75 աշխատակից էր ձերբակալվել, որից 44-ի նկատմամբ դատարանը կալանավորելու որոշում է ընդունել:

2016-ի հուլիսի ռազմական հեղաշրջման փորձից հետո Թուրքիայում սկսվեցին ձերբակալություններն ու հետապնդումները ինչպես Թուրքիայի զինված ուժերի, այնպես էլ տարբեր կազմակերպությունների, ԶԼՄ-ների, քրդամետ «Ժողովուրդների Դեմոկրատական կուսակցության» ներկայացուցիչների նկատմամբ:

Թուրքիայում ռազմական հեղաշրջման համար Թուրքիայի իշխանությունները, մասնավորապես երկրի նախագահ Ռեջեփ Թայիփ Էրդողանը, մեղադրում են ԱՄՆ-ում բնակվող «Հիզմեթ» շարժման առաջնորդ Ֆեթուլլա Գյուլենին, ով հերքել է մեղադրանքները:

Նշենք, որ «Ասելսանը» մասնագիտացած է ռազմական նշանակության էլեկտրոնային սարքավորումների արտադրության մեջ: Ընկերությունն  իր արտադրանքներն արտահանում է աշխարհի 48 երկրներ՝ այդ թվում Ադրբեջան, Ղազախստան, Պակիստան և Հորդանան։

 

Razm.info

«Քրեական գործ է հարուցվել պոռնոտեսանյութերի արտադրությամբ և տարածմամբ զբաղվող տրանսվեստիտի կողմից մանկապարտեզներ այցելելու մասին ԱԱԾ ուղարկված իմ դիմումի կապակցությամբ».Նարեկ Մալյան

26.05.2020

Նիկոլ Փաշինյանի հրաժարականի խոսքը

28.05.2020

Կապանում ճակատ-ճակատի բախվել են Lexus-ն ու Нива-ն. կա վիրավոր

30.05.2020

«Տավուշ տեքստիլ»-ում մոտ 80 մարդ վարակված է կորոնավիրուսով, ձեռնոցի արտադրամասը չի գործում. գործադիր տնօրեն. ArmDaily.am

28.05.2020

Հունիսի 1-ից սովորական անձնագրեր կրող ՀՀ քաղաքացիները կարող են առանց արտոնագրերի ձևակերպման մեկնել Չինաստան․ ԱԳՆ

30.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով