Բալթիկ ծովում Ռուսաստանի պաշտպանության նախարարի ինքնաթիռին է մոտեցել ՆԱՏՕ կործանիչ. ՌԴ ՊՆ

By | 22.06.2017
Загрузка...

Բալթիկ ծովում ՌԴ ռազմաօդային ուժերի Սու-27 կործանիչը մոտեցել է ՆԱՏՕ-ի ՌՕՈւ Ֆ-16 կործանիչին: Ռուսաստանյան կողմը միջադեպը պարզաբանում է նրանով, որ ՆԱՏՕ-ի անդամ երկրի կործանիչը մոտեցել է ՌԴ պաշտպանության նախարար, բանակի գեներալ Սերգեյ Շոյգուի ինքնաթիռին, որը թռչում էր Կալինինգրադ: Այս մասին հայտնում է ՏԱՍՍ գործակալությունը:

ՌԴ ՊՆ «Զվեզդա» պաշտոնական հեռուստաալիքը հրապարակել է միջադեպի տեսագրությունը, որտեղ երևում է՝ ինչպես է Սու-27-ի մոտենալուց հետո Ֆ-16 կործանիչը հեռանում:

ՆԱՏՕ-ի գլխավոր շտաբի գրասենյակում հայտնել են, որ սա ստանդարտ ընթացակարգ է. ՆԱՏՕ-ի օդաչուները տեսողական նույնականացում են իրականացնում և միշտ պահում են անվտանգ հեռավորություն, իսկ առաջադրանքի կատարումից հետո կործանիչները հեռանում են:

Գործակալությունը փոխանցում է. Լեհաստանը հայտարարել է, որ միջադեպին մասնակցել է իր ռազմաօդային ուժերի Ֆ-16 կործանիչը. մասնավորապես՝ հունիսի 21-ին տագնապ են ստացել, 2 միավոր Ֆ-16 կործանիչներ հայտնաբերել են ռուսաստանյան 3 ինքնաթիռ, որոնցից մեկը եղել է Տու-154, մյուս երկուսը՝ Սու-27-ներ՝ օդ-օդ դասի հրթիռներով զինված:

Նշենք, որ սա վերջին օրերին առաջին միջադեպը չէ Բալթիկ ծովի միջազգային օդային տարածքում: Հունիսի 19-ին Ռուսաստանի ԶՈւ Սու-27 կործանիչի և ամերիկյան Boeing RC-135 հետախուզական ինքնաթիռի միջև միջադեպ էր տեղի ունեցել , Ռուսաստանի օդային տարածքը հսկող համակարգերը պետական սահմանին մոտեցող օդային օբյեկտ էին հայտնաբերել։ Դրանք որսալու համար Բալթյան նավատորմի ՀՕՊ հերթապահ ուժերի Սու-27 կործանիչ էր օդ բարձրացվել:

Մերձբալթյան հանրապետությունների օդային տարածքը վերահսկում է ՆԱՏՕ-ն, քանի որ այդ երկրները չունեն այս խնդիրն իրականացնելու համար բավարար ռազմաօդային ուժեր։

 

 

Razm.info

Կրակոցների հետքեր Կուտոյանի տան պատերին. ԱԱԾ նախկին տնօրենի ինքնասպանության հետքերով

17.01.2020

20 պատգամավոր ցանկանում է դուրս գալ «Իմ քայլից». տեղեկություններ`Փաշինյանի փակ հանդիպումից. «Ժողովուրդ»

18.01.2020

Հունվարի 20-ին ես էլ մեկ րոպե լռությամբ հարգեցի Բաքվի (ադրբեջանցի) զոհերի հիշատակը․ Նիկոլ Փաշինյան

20.01.2020

«Պարոն նախարար,նկարները տեղադրում եմ ,որ թարմացնեք ձեր հիշողությունը».Նունե Ներսիսյան

16.01.2020

Փաշինյանին քննադատած երիտասարդը հրավիրվել է ոստիկանություն. վերջինիս քաղաքական հայացքների պատճառով հեռացրել են աշխատանքից

16.01.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...