Արա Բաբլոյանն ընդունել է Հայաստանում Սիրիայի դեսպանության գործերի ժամանակավոր հավատարմատարին

By | 23.06.2017

ՀՀ ԱԺ նախագահ Արա Բաբլոյանը հունիսի 23-ին ընդունել է Հայաստանում Սիրիայի Արաբական Հանրապետության դեսպանության գործերի ժամանակավոր հավատարմատար Իսսամ Նայալին:

Խորհրդարանի ղեկավարը ողջունել է Իսսամ Նայալին Ազգային ժողովում եւ իր մտահոգությունը հայտնել Սիրիայում առկա իրավիճակի վերաբերյալ:

ՀՀ ԱԺ նախագահն իր երախտագիտությունն է հայտնել Հայոց ցեղասպանության հետեւանքով Սիրայում ապաստանած հայերի եւ հետագայում սիրիահայ համայնքի նկատմամբ ունեցած ջերմ վերաբերմունքի համար: ՀՀ ԱԺ նախագահի խոսքով՝ երախտապարտ հայ ժողովուրդը մշտապես պատրաստ է օգնել Սիրիայի բարեկամ ժողովրդին:

Արա Բաբլոյանը, անդրադառնալով տարածաշրջանում տիրող իրավիճակին, նշել է, որ որոշ երկրների գործունեությունը եւ դրա հետեւանքները պիտի լինեն Եվրոպայի ու ողջ քաղաքակիրթ աշխարհի ուշադրության կենտրոնում:

ՀՀ ԱԺ նախագահը կարեւրոել է միջխորհրդարանական բարեկամական խմբերի գործունեությունը եւ խոսել նորընտիր խորհրդարանում Հայաստան-Սիրիա բարեկամական խմբի ձեւավորման մասին: Արա Բաբլոյանը Սիրիայի խորհրդարանի Հայաստանի հետ բարեկամական խմբի անդամներին հրավիրել է Հայաստան:

Հայաստանում Սիրիայի Արաբական Հանրապետության դեսպանության գործերի ժամանակավոր հավատարմատար Իսսամ Նայալը շնորհավորել է Արա Բաբլոյանին ՀՀ Ազգային ժողովի նախագահ ընտրվելու կապակցությամբ: Պարոն Նայալը շնորհավորել է նաեւ հայ ժողովրդին՝ արդար եւ թափանցիկ ընտրությունների անցկացման առթիվ, որի ականատեսն են եղել այդ օրերին Հայաստան ժամանած միջազգային դիտորդները:

Ժամանակավոր հավատարմատարը ՀՀ Ազգային ժողովի նախագահին ներկայացրել է Սիրիայում տիրող իրավիճակը եւ շնորհակալություն հայտնել հայ ժողովրդին, ինչպես նաեւ սիրիահայ համայնքին ճգնաժամի ընթացքում սիրիացի ժողովրդին սատարելու համար:

Անդրադառնալով Հայոց ցեղասպանության ճանաչման եւ դատապարտման հարցին՝ Իսսամ Նայալը նշել է, որ Թուրքիան հիմա էլ նույն քաղաքականությունը վարում է սիրիացի ժողովրդի նկատմամբ՝ շարունակելով իր ոճրագործությունները Սիրիայում:

Հանդիպման ավարտին Արա Բաբլոյանը մաղթել է Սիրիայի բարեկամ ժողովրդին խաղաղության վերահաստատում, իրավիճակի կայունացում եւ բարեկեցություն:

«Նուբար Աֆեյանի ընկերության արտադրած պատվաստանյութն անվանել է ՄԱՀ՝ վստահեցնելով, որ պատվաստումներից հետո ժամանակի ընթացքում մարդկանց մոտ առաջանալու են քաղցկեղային հիվանդություններ».Վահե Աղաջանյան

03.07.2020

«Խնդրում եմ hraparak.am կայքին դադարեցնել տարածել մեր մասին չստուգված և իրականությանը չհամապատասխանող տեղեկատվություն».Դավիթ Համբարձումյան

07.07.2020

ՀՀԿ-ն մտնում է քաղաքական ակտիվության նոր փուլ

03.07.2020

«Սորոսի կողմից հովանավորվող տռանս պոռնիկները գալու են ձեր տուն, ձեր երեխաների հետևից».Նարեկ Մալյան

06.07.2020

Մինչև արտակարգ դրության ավարտը ժամկետը լրացած անձը հաստատող փաստաթղթերը կհամարվեն վավեր

07.07.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով