ԱՄՆ-ն Թուրքիային «կզեկուցի» Սիրիայի քրդերին ուղարկած զենքերի մասին. Պենտագոն

Միացյալ Նահանգները թափանցիկ է Թուրքիայի հետ Սիրիայում «Իսլամական պետություն» ահաբեկչական խմբավորման դեմ կռվող, հիմնականում քրդերից կազմված «Սիրիայի դեմոկրատական ուժեր» (SDF) խմբավորմանը զենք ու զինամթերք տրամադրելու հարցում: 

Այս մասին հունիսի 1-ին հայտարարել է Մերձավոր Արևելքում ԱՄՆ գլխավորած կոալիցիայի խոսնակ, ԱՄՆ պաշտպանության նախարարության (Պենտագոն) գնդապետ Ռայան Դիլոնը:

Դիլոնը մասնավորապես նշել է.

«Մենք չենք պատրաստվում հրապարակայնորեն հայտարարել, թե ինչի տեսակի զենք ու զինամթերք ենք տրամադրել կամ տրամադրելու Սիրիայի քրդական ուժերին: Մենք չենք ցանկանում, որ «Իսլամական պետությունը» իմանա, թե ինչ ենք տրամադրում «Սիրիայի դեմոկրատական ուժեր» խմբավորմանը: Մենք չենք պատրաստվում նման մանրամասներ հայտնել»:

Միևնույն ժամանակ Դիլոնը հայտնել է, որ իրենք հաշվարկում են և պահում են հաշվարկը, թե ինչքան ու ինչ տեսակի զենք են տրամադրել Սիրիայի քրդերին և դրանց մասին մանրամասները տրամադրում են Թուրքիային:

Դիլոնը նաև ընդգծել է, որ ԱՄՆ ԶՈւ զինծառայողները հետևելու են, որ այդ զենքն ու զինամթերքը կիրառվեն ըստ նպատակի: Նրա խոսքով՝ այն խումբը, որը այլ նպատակներով կկիրառի տրամադրված զենք, այլևս չի ստանա զենք ու զինամթերք:

Հարցին, թե արդյո՞ք քրդերին տրամադրվել են ՌՊԳ նռնականետներ կամ BGM-71 ТOW հակատանկային հրթիռային համակարգեր, կոալիցիայի խոսնակը նշել է.

«Առնվազն մինչև այսօր [մինչև հունիսի 1-ի առավոտ] մենք նրանց այդ տեսակի զենքեր դեռևս չենք մատակարարել….: Ես դեռ չգիտեմ, թե ինչ տեսակի զենքեր ենք տրամադրելու և ինչպես նշեցի չենք պատրաստվում մանրամասներ հաղորդել դրանց մասին: Սակայն մենք այնպիսի հնարավորություններով զենք ենք տրամադրելու, որպեսզի նրանք [Սիրիայի քրդական կառույցները] պատրաստ լինեն Ռաքքայի գործողությանը»:

Հիշեցնենք, որ մայիսի 30-ին ամերիկյան կողմը հայտարարել է, որ ԱՄՆ-ն սկսել է Սիրիայի քրդերին զինամթերքի և տեխնիկայի իր խոստացած մատակարարումները, ինչը քրդերին թույլ կտա մոտակա ժամանակներս սկսել Սիրիայում ԻՊ մայրաքաղաք Ռաքքայի ուղղությամբ գրոհը:

ԱՄՆ զրահապատ մեքենաներ է ուղարկել Սիրիայում ԻՊ դեմ կռվող քրդական ուժերին:

ԱՄՆ զրահապատ մեքենաներ է ուղարկել Սիրիայում ԻՊ դեմ կռվող քրդական ուժերին:

Բացի այդ, միայն 2017-ին ԱՄՆ-ն քրդերին 2 անգամ օգնություն է փոխանցել: Առաջինը փոխանցվել էր հունվարի 31-ին, իսկ երկրորդը՝ արդեն փետրվարի 28-ին:

ԱՄՆ-ի աջակցությունը քրդերին, առաջ է բերում Թուրքիայի զայրութը, քանի որ թուրքական կողմը Սիրիայի քրդական կառույցները, մասնավորապես SDF-ի կազմի մեջ մտնող «Ժողովրդական ինքնապաշտպանության ջոկատ» (YPG) խմբավորումը դիտում որպես ահաբեկչական կառույցներ և «Քրդստանի աշխատավորական կուսակցության» (PKK) ենթաճյուղեր:

ԱՄՆ-ի վերջին հայտարարությունից հետո էլ, Թուրքիայի արտգործնախարար Մևլյութ Չավուշօղլուն հայտարարել է, որ YPG-ին ԱՄՆ-ի կողմից զենքի տրամադրումը «վտանգավոր է ոչ միայն Թուրքիայի, այլև Սիրիայի համար»: Ըստ նրա՝ նման քայլերը «կարող են վտանգնել» Սիրիայի միասնականությանը և տարածքային ամբողջականությանը:

 

Razm.info

Նմանատիպ նորություններ

«Սա արդեն պետական քաղաքականության մաս է դառնում, ո... Արմեն Աշոտյանը ֆեյսբուքյան իր էջում գրում է. «Վարչապետի ուղերձի տեքստը Ղարաբաղյան շարժման կապակցությամբ, որում կրկին փորձ է արվում միևնույն հար...
«Հայկազ Մակարյանը երևի ադրբեջանական կայքէջերից է ա... «Ինչպե՞ս կարող է նման բան լինել, ամեն հայտարարության մենք չպետք է լուրջ վերաբերվենք»,- 168.am-ի հետ զրույցում ասաց Արցախի Հանրապետության նախագահի ...
Turan գործակալության լրագրողները Հայաստան էին եկել... Երեկ հայկական բոլոր լրատվամիջոցները գրեցին, որ ադրբեջանական Turan գործակալության թղթակիցները Երևանում են, լուրը հաստատեց նաև ՀՀ ԱԳՆ մամուլի խոսնակ...
Պատիժը կրելուց հետո ադրբեջանցին ազատ է արձակվել. Ա... ԱՀ ընդհանուր իրավասության առաջին ատյանի դատարանի 09.02.2018թ.  դատավճռով  2 /երկու/ տարի ազատազրկման դատապարտված   Էլնուր Էլման օղլի  Հուսեյնզադեն...
Արցախի բնակիչներն ինձ չեն ընտրել վարչապետ, ուստի չ... Արդեն տեղեկացրել ենք, որ ՀՀ վարչապետ Նիկոլ Փաշինյանը Մոսկվայում է, որտեղ մասնակցել է ԵԱՏՄ նախագահությունը Հայաստանին անցնելուն նվիրված հանդիպմանը:...
«Հունիսին Փաշինյանն ու Ալիևը համաձայնագիր են ստորա... «Չնայած պնդումներին, որ դետալներ չեն քննարկվում, մենք հասուն մարդիկ ենք, հիանալի հասկանում ենք, որ, եթե չկա խոսակցության համար կոնկրետ առարկա, ապա...
Թունավորումներ՝ գազի ջրատաքացուցիչից արտանետված շմ... Ս.թ. հունվարի 14-ին ժամը 21:00-ի սահմաններում բնակարանի խոհանոցում տեղադրված գազի ջրատաքացուցիչից  արտանետված շմոլ գազից թունավորվել են  Ստեփանակե...
Սերժ Սարգսյանի անակնկալն ազատամարտիկներին... 168.am-ի տեղեկություններով՝ ՀՀ երրորդ նախագահ Սերժ Սարգսյանը Նոր տարվա նախաշեմին, ինչպես նախորդ տարիներին, ազատամարտիկների ընտանիքների համար ծ...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով