ԱԺ նախկին խոսնակ․ «Սերժ Սարգսյանը պետք է ամբողջովին նվիրվի պետության հետագա կառավարմանը»

«Որպեսզի պետությունը զարգանա, Սերժ Սարգսյանը պետք է ամբողջովին նվիրվի պետության հետագա կառավարմանը»: Այսօր, պատասխանելով «Ազատության» հարցին՝ 2018-ի ապրիլից հետո, երբ Սերժ Սարգսյանը վայր կդնի նախագահի լիազորությունները, արդյո՞ք Կարեն Կարապետյանը կշարունակի պաշտոնավարել որպես վարչապետ, նման համոզմունք հայտնեց Ազգային ժողովի նախկին նախագահ, հանրապետական պատգամավոր Գալուստ Սահակյանը:

Երեկ լրագրողների հետ զրույցում նախագահ Սերժ Սարգսյանն այդ հարցին այդպես էլ չէր անդրադարձել, ընդամենը շեշտել էր, թե իր և Կարեն Կարապետյանի միջև հակասություններ չկան, վարչապետն էլ հրաժարական տալու որևէ պատճառ չունի: «Շատ լավ հասկանում ենք, թե ովքեր են այդ բեմականացման հեղինակները, ինչպիսին են նրանց ցանկությունները, բայց կարծում եմ, որ դա իրավիճակի վրա որևէ ազդեցություն ունենալ չի կարող»,- ասել էր Սերժ Սարգսյանը, այդպես էլ չմանրամասնելով, թե ովքեր են իր և վարչապետի միջև սեպ խրողները:

ՀՀԿ փոխնախագահ Գալուստ Սահակյանը վստահեցնում է՝ այդ ուժերն ի հայտ կգան: «Որիշ տեղ որոնեք, որոհետև ես գիտեմ դրանք ովքեր են: Իրենք կամաց-կամաց ի հայտ կգան»,- այսօր ասաց Սահակյանը, խուսափելով լրացուցիչ պարզաբանումներից: Միայն ասաց․ «Գիտեք, ես հարցազրույցի տոգորված չեմ, պատասխանելու համար: Իհարկե, բոլոր պատասխանները կան»: Սահակյանը չպատասխանեց նաև հարցին՝ ո՞վ է լինելու կուսակցության նախընտրած վարչապետի թեկնածուն 2018-ի ապրիլից հետո: Ասաց․ «Հիմնականում հանրապետականներն այդ հարցը կորոշեն, այս պահին քննարկելու բան չի: Այդ հարցը կապված է առաջխաղացման հետ, մեր պետության հետագա ճակատագրի հետ»:

Ազգային ժողովի նախկին նախագահը հավելեց՝ հանրապետականներն, իհարկե, կարող են անձնական տեսակետ հայտնել, «բայց դրա ժամանակը չի»: «Ես բարձր եմ գնահատում Կարեն Կարապետյանին, բարձր եմ գնահատում իմ թիմի բոլոր ընկերներին, բայց որպեսզի պետությունը հնարավորինս արագ զարգանա, կարծում եմ, որ Սերժ Սարգսյանը պետք է ամբողջովին նվիրվի պետության հետագա կառավարմանը»,- ասաց Գալուստ Սահակյանը, հրաժարվելով այլ մեկնաբանություններից:

Նկատենք՝ հանրապետականները խուսափում են 2018-ի ապրիլից հետո իշխանության մեջ Սերժ Սարգսյանի հնարավոր դերակատարությանը վերաբերող հարցերին պատասխանելուց, հատկապես չեն հստակեցնում այն, թե արդյո՞ք հնարավոր է, որ հենց Սարգսյանը զբաղեցնի վարչապետի պաշտոնը: Նախագահի երեկվա հայտարարությունից հետո հանրապետականներն առայժմ խոսում են միայն Կարեն Կարապետյանի և Սերժ Սարգսյանի միջև «սեպ խրել ցանկացող» ուժերի մասին, այդպես էլ չմանրամասնելով՝ ովքե՞ր են նրանք: Իշխող ուժի խոսնակ էդուարդ Շարմազանովն այսօր միայն շեշտեց՝ միևնույն է, նրանք հաջողության չեն հասնելու:

«Ձեր հմուտ փորձերը՝ մեզնից կորզել բառեր, նախադասություններ, որոնք մեծ սենսացիա կառաջացնեն, կարծում եմ հաջողության չեն հասնի, որովհետև այն, ինչ ասելու է հանրապետության նախագահը, արդեն ասել է: Թե ովքեր են այդ ուժերը, իրենք էլ գիտեն, մենք էլ գիտենք: Նրանք հաջողությա՞ն կհասնեն, իհարկե ոչ»,- ասաց Շարմազանովը: Հարցին՝ ինչու չեք բացահայտում այդ ուժերին, նա պատասխանեց․ «Կարծում եմ՝ դուք էլ գիտեք, որ մենք գիտենք ովքեր են, իրենք էլ գիտեն, որ մենք գիտենք, մենք էլ գիտենք, որ դուք էլ գիտեք: Քաղաքականության մեջ ամեն ինչ չի, որ ուղիղ ասվում է: Նրանց դիմեք, թե նպատակը որն է»: Հաջորդ հարցին էլ՝ արդյո՞ք այդ ուժերը ձեր ներսում են, այսպես արձագանքեց․ «Մեր ներսն առողջ է»:

Դիտարկմանը, թե նախագահը չանդրադարձավ Կարեն Կարապետյանի հետագա պաշտոնավարման հետ կապված հարցին, Էդուարդ Շարմազանովը պատասխանեց․ «Եթե ուսումնասիրել եք Սերժ Սարգսյանի կենսագրությունն ու քաղաքական աշխատաոճը, պետք է շատ լավ իմանաք, որ պարոն նախագահը, նաև հանրապետականներս, ամեն ինչի մասին խոսում ենք ժամանակին, ոչ թե ժամանակավրեպ: Հիմա դրա մասին խոսելը ժամանակավրեպ է»:

Հիշեցնենք, ապրիլի 2-ի խորհրդարանական ընտրություններից մի քանի օր առաջ Սերժ Սարգսյանն ասել էր, որ եթե իր ղեկավարած Հանրապետականը հաղթի գալիք ընտրություններում, ապա ինքն ինչ-որ կարգավիճակով իր դերը կունենա ժողովրդի անվտանգության ապահովման գործում, այդպես էլ չհստակեցնելով, թե այդ կարգավիճակն ինչ պաշտոն է ենթադրում :

 

«Ազատություն» ռ/կ

Նմանատիպ նորություններ

«Շատ զարմանալի բաներ են տեղի ունենում հոսանքի վճար... ԱԺ ԲՀԿ խմբակցության պատգամավոր Արմեն Աբովյանը ֆեյսբուքյան իր էջում գրել է. «Ժողովուրդ ջան, իմ անունից ևս հաստատում եմ, որ շատ զարմանալի բաներ են տ...
Ադրբեջանցին փորձում է չեչենների հետ կոնֆլիկտը ջար... ՍԱ ԷՆ ՀԱՅ ՏՂԵՆԱ, ՈՐ ՉԵՉԵՆՆԵՐԻ ԿՈՆՖԼԻԿՏԻ ՀԵՏ ԿԱՊՎԱԾ ԱՄԲՈՂՋ ՄԵՂՔԸ ՈՒԶՈՒՄ ԵՆ ՋԱՐԴԵՆ ԳԼԽԻՆ։ ԷԴ ՖԱՈՒԴ ԱԲԱՍՈՎԻ ՀԱՐՑԵՐԸ ԼՈՒԾԵՔ, ԱՍՈՒՄ ԵՆ ՕՐԵՆՔՈՎ ԴԱՏԱ ՀԱՍՆՈՒՄ...
«Դավիթ Սանասարյանի հայտարարությունը բացարձակ սուտ ... «Հետք» կայքում երեկ ««Պետական մակարդակով բիզնես են խլում». տնտեսվարողը մեղադրում է Դավիթ Սանասարյանին» վերտառությամբ հոդվածի հրապարակումից հետո Պե...
Ալիևը շարունակաբար սպառնում է Արցախին և Հայաստանին... Փաշինյանը կամ մոլորության մեջ է,կամ ինքն է ժողովրդին մոլորեցնում։ Երկու դեպքում էլ նա պետք է հեռանա։ 1988թի փետրվարի 20-ը ոսկե տառերով է գրված...
Կազմվել է պաշտոն զբաղեցնող սեռական փոքրամասնությու... «Հեղափոխությունից հետո ակտիվացել են, այսպես կոչված, «լիբերալ» գաղափարներ կրող կերպարները: Հենց նրանք են, որ փորձում են այսօր հայ ավանդական հասարակ...
Շնորհավորո՛ւմ եմ Արցախի վերածննդի օրվա առթիվ. Վահա... Սիրելի՛ հայրենակիցներ, Այսօր պատմական օր է: 31 տարի առաջ այս օրերին Ստեփանակերտի հանրահավաքները բացեցին նոր պատմական ժամանակաշրջան բոլորիս համ...
Այսօր Արցախի վերածննդի օրն է, ղարաբաղյան շարժման հ... Սիրելի հայրենակիցներ, Այսօր Արցախի վերածննդի օրն է, ղարաբաղյան շարժման հերթական տարեդարձը: Շնորհավորում եմ ձեզ: Ուղիղ մեկ տարի առաջ այս օրը Ստ...
«Նիկոլի երբևէ ունեցած ամենավատ ելույթն էր Դսեղի ել... Նիկոլի երբեւէ ունեցած ամենավատ ելույթն էր Դսեղի այսօրվա ելույթը։ Նախ, Թումանյանը բոլորովին աղքատ մարդ չի եղել, սերել է բավականին հարուստ գերդաս...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով