Ադրբեջանական կողմը հայտնել է իր զոհերի մասին

Ադրբեջանի ԶԼՄ-ները հղում անելով իրենց պաշտպանության նախարարությանը, հայտնում են, որ հունիսի 16-ին իրենց կողմը մեկ զոհ է ունեցել՝  Շախվելեդով Սուլթան Նիյազ օղլու: Բնականաբար Ադրբեջանի ՊՆ-ն  այն ներկայացնում  է որպես հայկական կողմի սադրանքի հետևանք: Չնայած Ադրբեջանի ՊՆ-ն միայն մեկ զոհի մասին է նշում, սակայն մի քանի լրատվամիջոցներ մեկ այլ զոհի մասին ևս հրապարակելեն:

Զոհերի թվում նշվում է նաև Օրհան Հուսեյնովի անունը: Հիշեցնենք, որ հայկական կողմն այս օրերին ունեցել  է չորս զոհ և երկու վիրավոր: 16.06.2017թ.՝ ժամը 18:05-ի սահմաններում, հակառակորդի կողմից N զորամասի պահպանության տեղամասի ուղղությամբ արձակված արկերի պայթյուններից առաջացած բեկորներից մահացու վիրավորումներ են ստացել պարտադիր ժամկետային զինծառայողներ Արայիկ Ռուդիկի Մատինյանը, Վիգեն Ժիրայրի Պետրոսյանը և Վարդան Ծովակի Սարգսյանը:

17.06.2017թ.՝ ժամը 09:40-ի սահմաններում, N զորամասի պահպանության շրջանի մարտական դիրքի ուղղությամբ հակառակորդի կողմից արձակած կրակոցի հետևանքով գլխի շրջանում մահացու վիրավորում է ստացել պարտադիր ժամկետային զինծառայող, շարքային Նարեկ Տիգրանի Գասպարյանը:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով