Ռուսաստանից 200 մլն դոլարի զենքի մատակարարումների բոլոր պայմանագրերը կնքված են

By | 23.05.2017

200 մլն դոլարի վարկով Ռուսաստանից գնվող սպառազինության բոլոր պայմանագրերն արդեն կնքվել են, և սկսվել է դրանց կատարման փուլը: Այս մասին Ռազմինֆոյին հայտնեց ՀՀ ՊՆ պաշտպանական քաղաքականության վարչության պետ Լևոն Այվազյանը:

Վարկով գնվող սպառազինության համաֆինանսավորման համար մայիսի 18-ին ՀՀ կառավարությունը կատարել է հերթական փոխանցումը, և այդ որոշման հիմնավորումից հայտնի է դարձել, որ գնվող սպառազինության համար կնքվել է 18 պայմանագիր:

Լևոն Այվազյանը մեզ հետ զրույցում նշեց, որ պայմանագրերը հենց տասնութն են, և դրանք բոլորն են:

— Բոլոր պայմանագրերը կնքվել են: Մենք այդ էտապը հաղթահարել ենք արդեն: Մենք հիմա գտնվում ենք արտադրական պրոցեսի մեջ և ներկրման պրոցեսի մեջ, — նշեց Այվազյանը:

Արդեն կատարված ֆինանսական փոխանցումների մասին նշեց, որ դրանք կախված են կնքվող պայմանագրերի և զենքի մատակարարումների ժամկետներից:

— Երբ որ ժամանակը հասունանում է կոնկրետ պայմանագրի շրջանակներում կոնկրետ սպառազինությունը ներկրելու, այդ ժամանակ փոխանցումը կատարվում է … Դա կախված է ներկրման ժամկետներից, դա կախված է արտադրության ժամկետներից և այլն: Զուտ տեխնիկական խնդիր է:

Ավելացնենք, որ մայիսի 18-ին ՀՀ կառավարությունը գումար է հատկացրել զենքի գնման համար Ռուսաստանից ստացած վարկի մարմանը:

Ավելացնենք, որ Ռուսաստանի վարկով Հայաստանի պատվիրած զենքի ցուցակին կարող եք ծանոթանալ այստեղ։ Սպառազինությունը պիտի ձեռք բերվի 2015-2017թթ., սպառազինության ցանկը կարող է փոխվել կողմերի համաձայնությամբ։

Պայմանագրով նախատեսվում է, որ հայկական կողմը կարող է ամեն առանձին պայմանագրով նախատեսված գումարի մինչև 90%-ը վճարել վարկի միջոցներից։ Վարկը տրամադրվում է ԱՄՆ դոլարով, իսկ գնումները կատարվելու են ռուսական ռուբլով անմիջապես արտադրողներից, առանց միջնորդների։

2017-ի հունվարին ՀՀ պաշտպանության նախարարը հայտարարել է, որ պատվիրված զենքի մի մասն արդեն մատակարարվել է.

«200 մլն վարկով գնված տեխնիկայի մի մասն արդեն Հայաստանում է և մատակարարված է զինված ուժերին, դրված է ծառայության։ Մյուս աշխատանքները շարունակվում են ըստ ժամանակացույցի»:

Razm.info

«Ալենին որտեղ տեսնեմ հեգնանքով հիշեցնելու եմ նրա ով լինելը».Սևան Աղաջանյան

06.08.2020

Մարիա Կարապետյանը և Սոս Ավետիսյանը պետք է վայր դնեն իրենց մանդատները.Գեղամ Պետրոսյան

05.08.2020

Հայաստանին պոկում են Մոսկվայից

06.08.2020

Կորոնավիրուսից մահացածների դիահերձարանում. «Սև տոպրակների մեջ, գետնին, ոտքերի տակ ընկած դիակներ էին»

05.08.2020

Սա ցինիկ մարտահրավեր է. թուրքերն արդեն հայկական դպրոցներում են.Միհրան Հակոբյան

03.08.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով