ՆԱՏՕ-ն շուտով կտեղափոխվի 1 մլրդ եվրո արժողությամբ իր նոր գլխավոր գրասենյակ

By | 02.05.2017
Загрузка...

ՆԱՏՕ-ն պաշտոնապես նոր գլխավոր գրասենյակ կտեղափոխվի մայիսի 25-ին կայանալիք դաշինքի պետությունների ու կառավարությունների ղեկավարների գագաթնաժողովի ժամանակ, հաղորդում է «ՏԱՍՍ»-ը:

Դա հաստատել է ՆԱՏՕ-ի գլխավոր քարտուղար Յենս Սթոլթենբերգը` ամփոփելով Բելգիայի վարչապետ Շարլ Միշելի հետ հանդիպումը:

«Մայիսին առաջնորդների հանդիպման ժամանակ տեղի կունենա ՆԱՏՕ-ի գլխավոր գրասենյակի նոր շինությունը մեզ հանձնելու հանդիսավոր արարողությունը` Բելգիայի կառավարության կողմից Հյուսիսատլանտյան դաշինքին», — հայտնել է նա:

ՆԱՏՕ-ի նոր համալիրը հսկայական կիսակլոր ապակե շինություն է եւ զբաղեցնում է 41հա տարածք, դրա  գրասենյակային տարածքները կազմում են 245 հազար ք/մ: Այստեղ կտեղակայվեն ՆԱՏՕ-ի 29 (Չեռնոգորիայի անդամակցությունը դաշինքին վավերացնելուց հետո) գործընկեր պետությունների առաքելություններ: Միաժամանակ այստեղ ավելի քան չորս հազար մարդ կաշխատի:

 

 

News.am

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...