Մալաթիա-Սեբաստիա վարչական շրջանի ընդհանուր իրավասության դատարանում կայացավ քրեական աշխարհում հայտնի «Յոնջլախցի Նորոյի» առաջին դատական նիստը դատախազի չներկայանալու պատճառով հետաձգվեց.

Այսօր՝ մայիսի 31-ին, Երևան քաղաքի Մալաթիա-Սեբաստիա վարչական շրջանի ընդհանուր իրավասության դատարանում դատավոր՝ Ռոբերտ Պապոյանի նախագահությամբ, տեղի ունեցավ Նորայր Ղազարյանի (Յոնջլախցի Նորո) և նրա ազգական Արտակ Հայրապետյանի նկատմամաբ հարուցված քրեական գործի դատավարության առաջին նիստը:

Ն. Ղազարյանին մեղադրանք է առաջադրվել այն բանի համար, որ նա 02.09.2016թ ժամը 21:00-ի սահմաններում Անդրանիկի 149 շենքի 20 բնակարանին հարակից իրեն պատկանող կիսակառույց տան առաջին հարկում իր ազգական՝ Արտակ Հայրապետյանի և մյուսների միջև գումարային հարցերի շուրջ ծագած վիճաբանության և ծեծկռտուքի ժամանակ Վահե Գևորգյանին ապօրինաբար կյանքից զրկելու դիտավորությամբ իր մոտ եղած ատրճանակով մեկ անգամ կրակել է Գևորգյանի կրծքավանդակի աջ շրջանին, ինչի հետևաքով ստացած վնասվածքներից Գևորգյանը հիվանդանոցում մահացել է:

Ինչպես հայտնում է ֆոտոլրագրող Գագիկ Շամշյանը, դատական նիստին չէր ներկայացել դատախազը և դատավորը հայտարարեց 10 րոպե ընդմիջում, որպեսզի փորձեն կապ հաստատել նրա հետ: Ընդիջումից հետո դատավորը հայտնեց, որ իրենց չհաջողվեց կապ հաստատել, նա զանգերին չի պատասխանում և դատական հաջորդ նիստը նշանակեց հունիսի 16-ին,

ժամը 12:30-ին: Ինչպես ավելի վաղ հայտնել էր ֆոտոլրագրողը, նոյեմբերի 30-ին Հայաստանի քննչական կոմիտեի Երևանի քննչական վարչության Մալաթիա-Սեբաստիա վարչական շրջանի քննչական բաժնի պետի պաշտոնակատար Արսեն Վարդանյանի կողմից ստեղծված քննչական խմբի անդամ, ավագ քննիչ Արտյոմ Շոխոյանի որոշմամբ ձերբակալվել էր Երևան քաղաքի բնակիչ, 45-ամյա Նորայր Ղազարյանը: Վերջինս նախկինում մի քանի անգամ դատված է եղել և քրեական աշխարհում հայտնի է «Յոնջլախցի Նորո» մականվամբ:

կասկածվում էր այս տարվա սեպտեմբերի 2-ին ժամը 21:30-ի սահմաններում Արագածոտնի մարզի Թթու Ջուր գյուղի բնակիչ, 29-ամյա Վահե Գևորգյանին մի խումբ անձանց հետ սպանելու մեջ: Նշված քրեական գործի շրջանակում կալանավորվել էր Երևան քաղաքի Ավան վարչական շրջանի Խուդյակով փողոցի 19 տան բնակիչ Արտակ Հայրապետյանը, ով նույնպես կասկածվում է Վ. Գևորգյանի սպանությանը մասնակցություն ունենալու մեջ:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Լուսանկարները՝ Սմբատ Պետրոսյանի

 

© shamshyan.com

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով