Ադրբեջանը մեղադրանք է ուղղել Հայաստանին

Ադրբեջանի նախագահը Հայաստանին մեղադրել է միջազգային կանոնների խախտման մեջ:

«Ռիփորթ» լրատվական գործակալության հաղորդման համաձայն, Բաքվում կայացած միջմշակութային համաշխարհային ֆորումի չորրորդ նստաշրջանում ունեցած ելույթում, Ադրբեջանի նախագահ՝ Իլհամ Ալիևը հայտարարել է, որ իր երկրի միակ խնդիրը Հայաստանի հետ ղարաբաղյան հակամարտությունն է, որի հետևանքով նվազագույնը մեկ միլիոն մարդ անօթևան է դարձել:

Նշելով, որ Ադրբեջանը ձգտում է իր երկրի տարածքում գոյություն ունեցող հայկական եկեղեցիների պահպանությանը, Ալիևը կեղծ հայտարարություն է կատարել, իբր թե Հայաստանը ոչնչացրել է ադրբեջանական բոլոր մզկիթներն ու պատմական վայրերը:

Ադրբեջանի նախագահն ասել է.«ՄԱԿ-ի Անվտանգության խորհրդի բանաձևերը իրագործվում են, սակայն Հայաստանը չի արձագանքում այդ բանաձևերին և խախտում է միջազգային կանոնները: Հետևաբար բոլոր միջազգային կազմակերպություններին կոչ ենք անում ապահովել երկրների իրավունքները»:

Ուրբաթ օրը, Բաքվում մեկնարկել է Միջմշակութային համաշխարհային ֆորումի չորրորդ նստաշրջանը, որին չի մասնակցել Հայաստանը:

 

Parstoday

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով