Վրաստանի ԱԳ նախարարությունը հակազդել է Հարավային Օսիայում նախագահական ընտրությունների ու հանրաքվեի կազմակերպմանը

By | 10.04.2017
Загрузка...

Վրաստանի ԱԳ նախարարությունը մի հաղորդագրություն տարածելով դատապարտել է Հարավային Օսիայում նախագահական ընտրությունների և հանրաքվեի կազմակերպումը:

ԻՌՆԱ-ի հաղորդման համաձայն` Վրաստանի ԱԳ նախարարությունը կիրակի օրը հայտարարել է. որ Հարավային Օսիայում նախագահական ընտրություններն ու հանրաքվեն հակասում են միջազգային օրենքներին, Ռուսաստանին մեղադրել է այդ տարածքի անջատականներին հովանավորելու մեջ:

Հաղորդագրության մեջ Հարավային Օսիայում նախագահական ընտրությունների և հանրաքվեի կազմակերպումը Վրաստանի ինքնիշխանության ու տարածքային ամբողջականության ոտնահարում է համարվել:

Վրաստանի ԱԳ նախարարությունն անօրինական համարելով Հարավային Օսիայում նախագահական ընտրությունների ու հանրաքվեի կազմակերպումը, միջազգային հանրությանը կոչ է արել այդ կապակցությամբ հակազդեցություն ցուցաբերել:

Նշվել է, որ  հանրավքեն անց է կացվում տարածքը «Հարավային Օսիայի ինքնավար հանրապետություն» կամ «Ալանիայի պետություն» կոչելու հարցմամբ:

Հարավային Օսիայում նախագահական ընտրություններն ու հանրաքվեն տեղի ունեցան կիրակի օրը:

 

Parstoday

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...