Սոցիալական ցանցերը երեխաներին ավելի դժբախտ են դարձնում. գիտնականներ

Բրիտանական Շեֆիլդի համալսարանի գիտնականներն ապացուցել են, որ երեխաները որքան շատ ժամանակ են անցկացնում սոցիալական ցանցերում, այնքան ավելի դժբախտ են իրենց զգում կյանքի բոլոր ասպեկտներում:

Ըստ ՌԻԱ Նովոստիի՝ The IZA Institute of Labor Economics ինստիտուտի համար արված հետազոտության համաձայն, նույնիսկ մեկ ժամ սոցցանցերում գտնվելը 14%-ով նվազեցնում է հավանականությունը, որ երեխան ամբողջությամբ գոհ կլինի իր կյանքից: Ըստ գիտնականների՝ նույնիսկ մեկ ծնողի հետ ապրելը երեք անգամ ավելի քիչ է ազդում երեխայի բարեկեցության վրա, քան սոցցանցերը:

Facebook-ում եւ Instagram-ում շատ ժամանակ անցկացնող երեխաներն ավելի պակաս երջանիկ են զգում իրենց, ինչն անդրադառնում է դպրոցում նրանց ուսման, արտաքինի եւ ընտանիքի վրա:

Մասնագետները նշել են, որ սոցցանցերն ավելի շատ ազդում են աղջիկների, քան տղաների վրա:

 

 

News.am

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով