Ռուսաստանն ԱՄՆ-ին կոչ է արել Հյուսիսային Կորեայում հեռու մնալ չկշռադատված քայլից

By | 20.04.2017
Загрузка...

Ռուսաստանի ԱԳ նախարարության խոսնակն ընդգծել է. «ԱՄՆ-ն պիտի հեռու մնա Հյուսիսային Կորեայի պարագային չկշռադատված ցանկացած քայլից»:

ԻՌՆԱ-ի հաղորդման համաձայն, Մարիա Զախարովան չորեքշաբթի օրն անդրադառնալով Փխենյանի դեմ Վաշինգտոնի հրահրիչ քայլերին ու քաղաքականությանը, տարածաշրջանում հավանական պատերազմի բռնկումը կանխելու համար ինքնազսպվածության կոչ է արել ԱՄՆ-ին ու նրա դաշնակիցներին:

ԱՄՆ-ն վերջին օրերին Կորեայի թերակղզու ափերն է գործուղել իր ռազմանավերը: Իսկ ԱՄՆ-ի սկանդալային նախագահ Դոնալդ Թրամփի հրահանգով, ամերիկյան «Կառլ Վինսոն» ավիակիր նավը խարիսխ է նետելու Խաղաղ օվկիանոսի արևմուտքում՝ այդ թերակղզու մերձակայքում:

Հյուսիսային Կորեայի դեմ ԱՄՆ-ի թշնամական ու հրահրիչ քաղաքականությունների պատճառով, Կորեական թերակղզում իրավիճակը հայտնվել է լարվածության ամենաբարձր մակարդակում: Վաշինգտոնը պահանջում է Հյուսիսային Կորեայի ռազմական ու միջուկային փորձարկումների դադարեցում:

Փխենյանը բազմիցս հայտարարել է, որ քանիդեռ ԱՄՆ-ն ու նրա դաշնակիցները  շարունակեն Հյուսիսային Կորեայի դեմ իրենց սպառնալիքները, այդ երկիրն էլ կշարունակի իր ռազմական և կանխարգելիչ հարձակման կարողության ընդլայնումը:

 

Parstoday

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...