Ռուսաստանը դադարեցնում է Սիրիայի երկնքում համագործակցությունը ԱՄՆ-ի հետ

By | 10.04.2017

Ապրիլի 8-ից Ռուսաստանը դադարեցրել է Սիրիայի օդային տարածքում միջադեպերի կանխարգելման հուշագրով կարգավորվող հաղորդակցությունը ԱՄՆ-ի հետ: Այս մասին հայտնել է ՌԴ ՊՆ պաշտոնական ներկայացուցիչ գեներալ-մայոր Իգոր Կոնաշենկովը, փոխանցում է «ՏԱՍՍ» գործակալությունը:

Ռուսաստանի պաշտպանության նախարարություն է կանչվել Ռուսաստանում ԱՄՆ ռազմական կցորդը, ում պաշտոնական նոտա է տրվել ռուսաստանյան կողմից հուշագրով սահմանված պարտավորությունների դադարեցման մասին:

Ավելի վաղ Ռուսաստանի Դաշնային խորհրդի  անվտանգության և պաշտպանական հարցերով հանձնաժողովի նախագահը հայտարարել էր, որ Սիրիայի ԶՈւ ավիաբազային ԱՄՆ զինուժի հրթիռակոծությունը կարող է դառնալ այդ երկում ՌԴ և ԱՄՆ համագործակցության խզման պատճառ, քանի որ Միացյալ Նահանգները հարվածելուց առաջ չի կապնվել ՌԴ ղեկավարության հետ։

Խոսքը ապրիլի 6-ի լույս 7-ի գիշերը Սիրիայի ԶՈւ՝ Հոմսում տեղակայված  «Շայրաթ» ավիաբազային ԱՄՆ-ի կողմից 59 միավոր թևավոր հրթիռ արձակելու մասին է: Դոնալդ Թրամփը հայտարարել է, որ իրենք հարվածել են ի պատասխան օրերս Իդլիբում նույն կառավարական ուժերի կողմից բնակիչների դեմ քիմիական զենք օգտագործելուն։ Ավիաբազան ԱՄՆ-ի արձակած հրթիռների հետևանքով նյութական կորուստներ ունի:

 

Սիրիայում ռազմական գործողությունների ընթացքում միջադեպերի կանխման և ավիացիայի թռիչքների անվտանգության ապահովման վերաբերյալ հուշագիրը ՌԴ և ԱՄՆ պաշտպանության նախարարություները ստորագրել էին 2015-ի հոկտեմբերին: Այն նպատակ ունի կանխել երկու երկրների օդային ուժերի միջև պատահարները։

Հուշագրի՝ ուժի մեջ մտնելուց հետո ՌԴ և ԱՄՆ համապատասխան գերատեսչությունների միջև ստեղծվել էր շուրջօրյա օպերատիվ կապ, երկու երկրների համատեղ գործողությունների մեխանիզմ, որն իր մեջ ներառում էր ճգնաժամային իրավիճակների առաջացման դեպքում փոխադարձ օգնությունը։

Հիշեցնենք, որ 2015-ի սեպտեմբերի 30-ից Ռուսաստանը Սիրիայի նախագահ Բաշար Ասադի խնդրանքով սկսել է կետային ավիահարվածներ հասցնել Սիրիայում ԻՊ դիրքերին:

Իսկ ԱՄՆ գլխավորած միջազգային կոալիցիան ձևավորվել է 2014-ին և «Իսլամական պետություն» ահաբեկչական խմբավորման դեմ հիմնականում օդային գործողություններ է իրականացնում ինչպես Սիրիայի, այնպես էլ Իրաքի տարածքներում:

Ռազմ.ինֆօ

«Քրեական գործ է հարուցվել պոռնոտեսանյութերի արտադրությամբ և տարածմամբ զբաղվող տրանսվեստիտի կողմից մանկապարտեզներ այցելելու մասին ԱԱԾ ուղարկված իմ դիմումի կապակցությամբ».Նարեկ Մալյան

26.05.2020

Երևանում օրգազմի մասին պատմող գրքեր են բաժանել երեխաներին

25.05.2020

Նիկոլ Փաշինյանի հրաժարականի խոսքը

28.05.2020

«Հիմա, էդ դիմակը դրած լայվ ես մտնում, որ ի՞նչ ապացուցես՝ որ ո՞ւղտ չես․․․».Մարգարիտ Եսայանը՝ Փաշինյանին

25.05.2020

Վաղ առավոտյան սպեցնազն անցել է գործի. Սյունիքում տեղի են ունենում զանգվածային ձերբակալություններ.«Փաստինֆո»

24.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով