ՌԴ-ում հանրահավաքի մասնակիցները պահանջում են, որ Պուտինն «այլևս չառաջադրվել»

By | 29.04.2017
Загрузка...

Այսօր Ռուսաստանի տասնյակ քաղաքներում տեղի են ունենում ցույցեր՝ հաջորդ տարվա նախագահական ընտրություններին չառաջադրվելու մասին Վլադիմիր Պուտինին հասցեագրված պահանջով:

Ցույցերն անցնում են «Մենք նրանից հոգնել ենք» և «Բավական է» կարգախոսներով: Տասնյակ մարդիկ այս պաստառներով հավաքվել են Մոսկվայում նախագահի վարչակազմի շենքի, ինչպես նաև տարբեր քաղաքների տեղական խորհուրդների և գործադիր իշխանության գրասենյակների մոտ: Մոսկվայի կենտրոնում նախագահի վարչակազմի շենքը պաշտպանում են հատուկ նշանակության ոստիկանության հարյուրավոր ծառայողներ:

Բողոքի ակցիաները կազմակերպել է Վլադիմիր Պուտինի սուր քննադատ և ընդդիմախոս Միխայիլ Խոդորկովսկու ղեկավարած «Բաց Ռուսաստան» շարժումը: Ռուսաստանի իշխանությունն այդ ակցիաները որակել է ապօրինի և զգուշացրել, որ իրավապահները կդիմեն համապատասխան միջոցների: Կեմերովոյում արդեն ձերբակալվել է մոտ 20 մարդ:

 

 

Ազատություն ռ/կ

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...