Ծայրահեղական խմբերն անիրական քայլերի են ձգտում

By | 02.04.2017
Загрузка...

Իրանի մշակույթի և իսլամական կապերի կազմակերպության ղեկավարի խոսքերով՝ ծայրահեղական խմբերը փորձում են աշխարհում անիրական ու շեղված ներկայացնել կրոնը, տարբեր դավանանքների միջև շփոթություն առաջացնելով:

Թբիլիսիում Վրաստանի կրոնների հարցով պետական գործակալության տնօրեն Զազա Վաշաղմաձեի հետ   հանդիպման ժամանակ, Աբուզար Էբրահիմի Թորքամանն ասել է.«Հաշվի առնելով պատմական ու մշակութային ընդհանրությունները, մասնավորապես` երկու երկրի միջև կրոնական հարցերով երկխոսության նշանակությունը, անհրաժեշտ է քայլեր ձեռնարկել` աշխարհում կայուն խաղաղության ու անվտանգության հաստատման և տևական անդորր ստեղծելու ուղղությամբ»: Այս մասին  ապրիլի 2-ին, հաղորդել է «Մեհր» գործակալությունը :

«Հոգևորականները պետք է լուրջ քայլեր ձեռնարկեն` կրոնից իրական և հստակ պատկերացում ստեղծելու  նաև կրոնի ուսուցման ուղղությամբ». հավաստել է Թորքամանը:

Հանդիպմանն անդրադառնալով Իրան-Վրաստան դրական հարաբերություններին , Վաշաղամաձեն կարևորել է տարբեր ոլորտներում երկու երկրի միջև համագործակցությունների զարգացումն ու ընդլայնումը:

Իրանի մշակույթի և իսլամական կապերի կազմակերպության ղեկավարը  Վրաստանի կրթության ու գիտության նախարարի պաշտոնական հրավերով մեկնել է Թբիլիսի: Այցի նպատակը մշակութային, գիտական ու համալսարանական համագործակցությունների զարգացման շուրջ մտքերի փոխանակումն է հայտարարվել:

 

Parstoday

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...