Փաշինյան․ Իշխանությունը փորձում է խորացնել իր իսկ ստեղծած ճահիճը

By | 13.03.2017

«Ելք» դաշինքի անդամներն այսօր կրկին շրջեցին Երևանի Մալաթիա-Սեբաստիա համայնքի բակերով՝ բնակիչներին համոզելու, որ ելք կա։

Նիկոլ Փաշինյանը բակերում հայտարարում էր՝ Հանրապետական կուսակցության կողմից առաջադրված թեկնածուները «լռության ուխտավորներ են» ու այս ընտրություններով իշխող կուսակցությունը փորձում է խորացնել իր իսկ ստեղծած ճահիճը․ — «Այդ պատգամավորության թեկնածուներից է Արտակ Սարգսյանը, որը առաջադրված է Արաբկիրում, Ռոբերտ Սարգսյանը, որը առաջադրված է 1-ին ընտրատարածքում, Սամվել Ալեքսանյանը, որը առաջադրված է Մալաթիա-Սեբաստիա տարածքով․․․ Ազգային ժողովի պատգամավորներ չեն ընտրվում լռելու համար: Ազգային ժողովի պատգամավորներ ընտրվում են ժողովրդի պրոբլեմները, երկրի պրոբլեմները բարձրաձայնելու և դրանց քաղաքական լուծումներ առաջադրելու համար: Ազգային ժողովի պատգամավոր չեն ընտրվում երկրում ձևավորված հասարակության ճահիճը խորացնելու համար»:

Բակերից մեկում էլ Փաշինյանը նախորդ խորհրդարանական ընտրությունների ժամանակ տեղի ունեցած միջադեպը հիշեց․ — «Բազմաթիվ կանայք եկել էին․․․ Սամվել Ալեքսանյանին ինձնից պաշտպանելու: Էդ ժամանակ էդ ռեցեսների մեջ ակտիվ էր նաև թաղապետ Դավիթ Օհանյանը, ով եկել էր, էս բակերում ասում էր՝ մենք սիրում ենք մեր բակերը, մեր հայրենիքը և այլն: Ես հիմա տեսնում եմ, որ հինգ տարվա մեջ ձեր բակի վիճակը ավելի է վատացել, ցեխը ավելի շատ է, աղտը ավելի շատ է և ընդհանրապես հուսահատությունը ավելի շատ է»:

Դաշինքը ոլորտային մի շարք բարեփոխումներ է ցանկանում իրականացնել՝ ընտրվելու դեպքում խոստանալով առնվազն 20 տոկոսով ավելացնել աշխատավարձերը բյուջետային հիմնարկներում և կենսաթոշակները, վերացնել արհեստական մենաշնորհները։

«Ելքի» քարոզարշավին բնակիչներն այսօր հիմնականում պատուհաններից էին հետևում: Ընտրողներից մի քանիսն ասացին, թե չեն հավատում, ո՛չ թեկնածուներին, ո՛չ նրանց տված խոստումներին։ Հացթուխ մի կին վրդովվեց՝ մարդկանց օգնելու փոխարեն նախընտրական թերթիկներ են տպում․ — «Մարդ չկա ընտեղ ընտրելու․․․ Մարդ ըլնի, ժողովրդի մասին կմտածի՝ հարկ ու տուրքերը կիջացնի, աշխատավարձը կբարձրացնի․․․»:

Միջին տարիքի մի տղամարդ, բողոքելով, թե 13 անձով ապրում են երկսենյականով բնակարանում, ասաց, թե ձայն կտա այն ուժին, որը կխոստանա իրեն ապահովել բնակարանով:

«Ազատության» դիտարկմանը, թե դա կաշառք վերցնել է, ու հարցին, թե արդյոք դրանով հարցը կլուծվի, տղամարդն արձագանքեց՝ հնարավոր ա:

«Ընտրություն, փոփոխություն, հաղթանակ» կարգախոսով ընտրության գնացող դաշինքի անդամ, համամասնական ցուցակի երրորդ համար Նիկոլ Փաշինյանի խոսքով հենց հուսահատությունը հաղթահարելու համար են փողոց դուրս եկել։ Ասաց, թե քաղաքացիներին համոզելու են, որ ապրիլի 2-ին ընտրության գնան ու իրենց ձայները չփոշիացնեն։

 

«Ազատություն» ռ/կ

«Ո՞նց կարա վարչապետի աթոռին անկապ հայտնված թափթփուկը եթերով հայտարարի թե ՀՀ իշխանությունները տարիներով զբաղվել են նարկոտրաֆիկով,Աֆղանստանում ապօրինի զենքի վաճառքով».Միշա Գալուստյան

07.04.2020

Առողջապահության նախարարը սպասում է պատվաստանյութի և պատվաստվելու կոչ է անում

06.04.2020

Կարանտինի շրջանում հարուստներն ավելի են հարստանում, իսկ աղքատներն ավելի աղքատանում

03.04.2020

Ազգային ժողովում դարձյալ պարգևատրվել են.168.am

06.04.2020

«Ու սրանք, էս ողորմելիները, որոնց մեծ մասին տանես Արցախ, կկորեն, պիտի Գերագույն գլխավոր հրամանատար դատեն` ուղիղ նրա աչքերին նայելով».Գուրգեն Գրիգորյան

04.04.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով