Պարսիացծոցյան համագործակցության խորհրդի արտգործնախարարների հակաիրանական բանաձևը

Սաուդյան Արաբիայի մայրաքաղաք՝ Ռիադում կայացած նիստի ավարտին, Պարսիացծոցյան համագործակցության խորհրդի արտգործնախարարները հակաիրանական բանաձև են հրապարակել:

«Ալ-Ալամ» լրատվական գործակալության հաղորդման համաձայն` Պարսիացծոցյան համագործակցության խորհրդի արտգործնախարարները նիստի ավարտին հրապարակած հաղորդագրության մեջ դատապարտել են, ինչպես իրենք են նշել. «Բահրեյնի թագավորության նկատմամբ Իրանի ոտնձգողական քայլերը և հրահրիչ ու անպատասխանատու հայտարարությունները»:

Վերջին վեց տարիների ընթացքում քաղաքական ակտիվիստներին ու ընդդիմությանը խիստ հալածելու պատճառով մարդու իրավունքների պաշտպան կառույցների կողմից ճնշման ենթարկված Բահրեյնի ռեժիմը, մինչ օրս առանց հավաստի փաստեր ներկայացնելու, բազմիցս Իրանին մեղադրել է իր երկրի անվտանգության ու քաղաքական հարցերին միջամտելու մեջ:

Հաղորդագրության մեջ, առանց ապացույցներ ներկայացնելու, Իրանը մեղադրվել է ահաբեկչական խմբավորումներին հովանավորելու մեջ: Նշվել է, որ Թեհրանը մտադիր է ազգամիջյան բախումներ առաջացնելով, հարվածել Բահրեյնի ազգային միասնականությանը:

Իրանը բազմիցս մերժել է Պարսիցծոցյան երկրների ներքին հարցերին միջամտելու մասին անհիմն հայտարարությունները:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով