Ոստիկանությունը ձերբակալել է Ալեքսեյ Նավալնիին

By | 26.03.2017

Այսօր Մոսկվայի Տվերսկայա փողոցում՝ հակակոռուպցիոն երթի ժամանակ ձերբակալվել է ռուսաստանցի հայտնի ընդդիմադիր գործիչ Ալեքսեյ Նավալնին։ Այս մասին հաղորդել է «Կոռուպցիայի դեմ պայքարի հիմնադրամ»-ի ղեկավար Ռոման Ռուբանովը։

Նավալնիի հետ միասին ևս մի քանի ցուցարարներ են ձերբակալվել։ Ձերբակալության ընթացքում ընդդիմադիր գործիչը կոչ է արել ցուցարարներին՝ շարունակել հակակոռուպցիոն երթերը։

Ռուսաստանի մի շարք քաղաքներում, հիշեցնենք, այսօր հակակոռուպցիոն ցույցեր են անցկացվում։ Մոսկվայում այս բողոքի ակցիաներն արդեն անվանել են «Մեդվեդևի դեմ երթ»։

Նշենք, որ Ալեքսեյ Նավալնիի գլխավորած «Կոռուպցիայի դեմ պայքարի հիմնադրամը» մարտի 2-ին հետաքննություն էր հրապարակել, որի գլխավոր «հերոսը» Ռուսաստանի վարչապետ Դմիտրի Մեդվեդևն էր։

Հետաքննության հեղինակները պնդում են՝ չնայած Մեդվեդևը հասարակության մեջ ոչ այնքան լուրջ ընկալում ունի, իրականում նա կոռուպցիայի վրա հիմնված հսկայական կայսրության հիմնադիր է։ Մասնավորապես՝ նշվում է, թե Մեդվեդևին են պատկանում հինգ միլիարդ ռուբլի արժողությամբ առանձնատուն մերձմոսկովյան Ռուբլյովկայում։

Մոսկվայի քաղաքային իշխանություններն արգելել էին Նավալնիի մարտի 18-ի հանրահավաքը։

 

«Ազատություն» ռ/կ

150.000.000.000 դրամի կորուստ կառավարության անպատասխանատու արարքների պատճառով

24.03.2020

«Եվս մեկ հիշեցում Հռոմի Պապից քաջատեղյակ, բայց սեփական երկրի հոգևոր առաջնորդից բացարձակ անտեղյակ պատգամավորին».Անի Մարգարյանը`Սերգեյ Բագրատյանին

25.03.2020

Վավերագրական ֆիլմ Սերժ Սարգսյանի մասին

28.03.2020

Արարատի մարզում կորոնավիրուսը տարածվել է ծննդատան միջոցով.yerevan.today

26.03.2020

«Երկրի հերը անիծողը զարմանում է թե ,ո՞նց կարող է մարդը 40հզ դրամով ապրել».Հովհաննես Խաչատրյան

27.03.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով