Միջադեպ «Ելք» դաշինքի քարոզչության ընթացքում

By | 15.03.2017

Ոստիկանության լրատվական ծառայության փոխանցմամբ՝ «Ելք» դաշինքի քարոզչության ընթացքում տեղի ունեցած միջադեպի վերաբերյալ նյութեր են նախապատրաստվում:

«Ելքի» դաշինքի երրորդ համար Նիկոլ Փաշինյանի փոխանցմամբ՝ միջադեպը տեղի է ունեցել Երևանի Նոր Նորք համայնքում, այն բանից հետո, երբ ընդդիմադիրները նկատել են, որ մարզադպրոցի ներսում տեղադրված է «Ծառուկյան դաշինքի» թեկնածու Արթուր Մամոյանի պաստառը, և փորձելով մտնել մարզադպրոց հանդիպել են արգելքի:

«Այդ ամբողջ միջադեպը կառուցվեց նրա շուրջ, որ լրագրողները և մեր վստահված անձինք փորձում էին վիդեոյով և ֆոտոյով ֆիքսել այդ փաստը, իսկ մարզադպրոցի աշխատողները այդ պաստառը տարան և փորձում էին էդ պաստառը թաքցնել», — ասաց Փաշինյանը:

Ընտրական օրենսգրքի համաձայն՝ արգելվում է քարոզչական պաստառների տեղադրումը պետական և համայնքային սեփականություն հանդիսացող շենքերի, ինչպես նաև հանրակրթական դպրոցների վրա կամ դրանց ներսում: Արգելվում է նաև քարոզչությունը ուսումնական հաստատությունների մանկավարժական կազմի աշխատողների կողմից` իրենց լիազորություններն իրականացնելիս:

Փաշինյանն «Ազատությանը» պատմեց, որ միջադեպից հետո «Ծառուկյան դաշինքի» պատգամավորության թեկնածուն սպորտդպրոցի աշխատակիցների անունից ներողություն է խնդրել իրենցից․ — «Հետո Արթուր Մամոյանը ինձ մոտեցավ, մենք զրույց ունեցանք․․․ ասաց, որ ցավում է, որ այդպիսի միջադեպ է տեղի ունեցել: Ասաց, որ այդ պաստառը կհեռացնեն այդտեղից, և քարոզչություն չի իրականացվի»:

«Ծառուկյան դաշինքի» պատգամավորության թեկնածուի պաստառի հետ կապված միջադեպից հետո «Ելք» դաշինքն այսօր քարոզչություն իրականացրեց գործարար Գագիկ Ծառուկյանի հայրենի Կոտայքի մարզում: Փաշինյանի Աբովյան քաղաքի բնակչներին համոզում էր, որ ստեղծված վիճակից ելք կա․ — «Դուք կարող եք օգտվել ելքի այդ հնարավորությունից՝ ընտրական տեղամասեր գնալով և «Ելք» դաշինքի օգտին քվեարկելով»:

«Ելք» դաշինքից Կոտայքի մարզն ընդգրկող թիվ 10 ընտրատարածքում պայքարում է «Քաղաքացիական պայմանագիր» կուսակցության վարչության նախագահ Սասուն Միքայելյանը:

«Ազատության» հետ զրույցում նա վստահեցրեց, որ պատրաստ է պայքարել ինչպես «Ծառուկյան դաշինքի», այնպես էլ մյուս ուժերի ներկայացուցիչների դեմ․ — «Ես զինվոր եմ եղել ազգի, պայքարել եմ, պայքարում եմ ու կպայքարեմ մինչև իշխանափոխություն լինի, մինչև կարգ ու կանոն լինի, էս իշխանության ձևավորած կեղտոտ բարքերը վերանան»:

Աբովյանում «Ելքի» քայլերթի ընթացքում «Ազատությանը» հանդիպած քաղաքացիները, հիմնականում հույս չունեին, որ ընդդիմադիրները կարող են հաջողության հասնել:

«Ես ո՛չ իշխանությանն եմ հավատում, ո՛չ խոսացողներին եմ հավատում: Երբ որ ժողովրդի վիճակը կբարելավվի, մեր աչքով կտեսնենք, նոր կհավատանք: Սուտ երդումներ են տալիս, մինչև կընտրվեն: Իրանց աթոռներին կտիրանան ու ժողովրդին նորից կմոռանան», — ասաց մի կին:

«Հայաստանում հիմի գործում ա թալանի կուսակցություն», — վրդովված հավելեց մի տղամարդ:

Ազատւթյուն ռ/կ

150.000.000.000 դրամի կորուստ կառավարության անպատասխանատու արարքների պատճառով

24.03.2020

«Եվս մեկ հիշեցում Հռոմի Պապից քաջատեղյակ, բայց սեփական երկրի հոգևոր առաջնորդից բացարձակ անտեղյակ պատգամավորին».Անի Մարգարյանը`Սերգեյ Բագրատյանին

25.03.2020

Արարատի մարզում կորոնավիրուսը տարածվել է ծննդատան միջոցով.yerevan.today

26.03.2020

Վավերագրական ֆիլմ Սերժ Սարգսյանի մասին

28.03.2020

«Երկրի հերը անիծողը զարմանում է թե ,ո՞նց կարող է մարդը 40հզ դրամով ապրել».Հովհաննես Խաչատրյան

27.03.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով