Գերմանիայի կառավարությունն անհեթեթ է համարել Էրդողանի հայտարարությունը

By | 06.03.2017

Գերմանիայի կառավարության խոսնակ Շթեֆեն Զայբերտն արձագանքել է Թուրքիայի նախագահի հայտարարությանը, որում Ռեջեփ Թայիփ Էրդողանը մեղադրել էր գերմանական կողմից նացիստական պահվածք դրսևորելու մեջ:

Ինչպես հաղորդում է «Արմենպրես»-ը` վկայակոչելով գերմանական Deutsche Welle-ն, Զայբերտը «հորինված» և «անտեղի» է համարել նման հայտարարությունները:

«Նացիստական համեմատությունները միշտ անհեթեթ են և անտեղի»,- հայտարարել է Զայբերտը: Ասելով, որ գերմանական կառավարությունը մշտապես մեծ կարևորություն է տվել Թուրքիայի հետ հարաբերություններին` խոսնակն այդուհանդերձ ընդգծել է, որ «ներկայիս օրերում խորը տարաձայնություններ կան»:

Նա հերթական անգամ հորդորել է թուրքական կողմին ազատ արձակել գերմանական Die Welt պարբերականի ձերբակալված լրագրող Դենիզ Յուջելին:

Թուրքիայի նախագահ Ռեջեփ Թայիփ Էրդողանը նախօրեին քննադատել էր գերմանական իշխանություններին այն բանի համար, որ թուրք նախարարներին արգելվել է երկրում սահմանադրական հանրաքվեին ընդառաջ քարոզարշավ իրականացնել: «Հեյ, Գերմանիա, դուք ժողովրդավարության հետ հեռու-մոտիկ որևէ կապ չունեք: Իմացեք, որ ձեր ներկայիս պահվածքը չի տարբերվում անցյալի նացիստական պահվածքից»,- ասել էր Էրդողանը:

Թուրքիայի արդարադատության նախարար Բեքիր Բոզդաղը մարտի 2-ին սահմանադրական հանրաքվեի քարոզարշավի առնչությամբ պետք է ելույթ ունենար Գերմանիայի Գագգենաու քաղաքում, սակայն վերջին պահին քաղաքապետարանն արգելել է դրա անցկացումը: Քաղաքապետը հայտնել է, որ որոշումը քաղաքական բնույթ չունի:

Armenpress.am

«Ո՞նց կարա վարչապետի աթոռին անկապ հայտնված թափթփուկը եթերով հայտարարի թե ՀՀ իշխանությունները տարիներով զբաղվել են նարկոտրաֆիկով,Աֆղանստանում ապօրինի զենքի վաճառքով».Միշա Գալուստյան

07.04.2020

Առողջապահության նախարարը սպասում է պատվաստանյութի և պատվաստվելու կոչ է անում

06.04.2020

Կարանտինի շրջանում հարուստներն ավելի են հարստանում, իսկ աղքատներն ավելի աղքատանում

03.04.2020

Ազգային ժողովում դարձյալ պարգևատրվել են.168.am

06.04.2020

«Ու սրանք, էս ողորմելիները, որոնց մեծ մասին տանես Արցախ, կկորեն, պիտի Գերագույն գլխավոր հրամանատար դատեն` ուղիղ նրա աչքերին նայելով».Գուրգեն Գրիգորյան

04.04.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով