Գեղամ Գրիգորյանի հիշատակին նվիրված համերգային երեկո

Ս. թ. մարտի 23-ին, ժամը 19:00-ին, Ա. Սպենդիարյանի անվան օպերայի և բալետի ազգային ակադեմիական թատրոնում տեղի կունենա մեծանուն օպերային երգիչ, ՀՀ և Լիտվայի Հանրապետության ժողովրդական արտիստ Գեղամ Գրիգորյանի հիշատակին նվիրված համերգային երեկո:

Ելույթ կունենան մաեստրո Գրիգորյանի ընկերներն ու աշակերտները:

Նույն օրը, ժամը 13:00-ին հիշատակի արարողություն է նախատեսված Կոմիտասի անվան պանթեոնում` նրա շիրմի մոտ:

Գեղամ Գրիգորյանը ծնվել է 1951 թվականին հունվարի 29-ին, Երևանում: Ավարտել է Երևանի Կոմիտաս իանվան պետական կոնսերվատորիան: Գրիգորյանն առաջին անգամ մեծ բեմում հանդես է եկել 1971 թվականին` 20 տարեկանում, 1972 թվականին մենահամերգներով մեկնել է Բեռլին: 1975 թ. կայացել է նրա դեբյուտը Ալեքսանդր Սպենդիարյանի անվան օպերայի և բալետի ազգային ակադեմիական թատրոնում` Էդգարի դերերգով, Դոնիցետիի «Լուչիա դի Լամերմուր» օպերայում: 1970-ականներին Գրիգորյանը հայտնի մեներգիչ է եղել ամբողջ Խորհրդային Միությունում: 1978 թ. մասնակցել է Միլանի «Լա Սկալա» թատրոնի Գեղարվեստական կատարելագործման դպրոցի մրցույթին և ընդգրկվել այն չորս երգիչների կազմում, ովքեր հրավիրվել են աշխատանքային պրակտիկա անցնելու «ԼաՍկալաում»:

Այդ տարիներին Իտալիայում Գեղամ Գրիգորյանը հանդես է եկել մի շարք համերգներով: «Լա Սկալայում» դեբյուտով հանդես է եկել Պինկերտոնի դերում (Ջ. Պուչինի «Մադամ Բատերֆլայ» օպերա): Այս ելույթից հետո նա «Լա Սկալայյի» թատրոնի հետ ստորագրել է պայմանագիր՝ գլխավոր դերերով հանդես գալու «Բորիս Գոդունով» և «Տոսկա» օպերային ներկայացումներում։

Մեծանուն օպերային երգիչ և բեմադրիչ Գեղամ Գրիգորյանը կյանքից հեռացավ 2016 թվականի մարտի 23-ին, 65 տարեկանում:

«Երկար մնացել եմ և՛ Լոնդոնում, և՛ Միլանում և՛ Հռոմում, և՛ Բուենոս Այրեսում, բայց եթե ընտրեի՝ որտեղ ապրել, ապա միայն Երևանում»,-մի առիթով ասել է Գեղամ Գրիգորյանը:

Ազդագիրը ներբեռնել այստեղ:

Նմանատիպ նորություններ

Զարմանալի զուգադիպությամբ ակտիվացել են հոկտեմբերի ... Զարմանալի զուգադիպությամբ ակտիվացել են հոկտեմբերի 27-հայտնի ցուցակի ներկայացուցիչները՝ Շիրխանյանը, որն իրեն վարչապետ էր կարգել, Ջհանգիրյանը, որին ...
Ռեժիսոր եւ սցենարի հեղինակ ԶՈՐԻԿ ՀՈՎՍԵՓՅԱՆԸ հանրու... «Քահանայի մեղքը» (Պրեմիերա) Ռեժիսոր եւ սցենարի հեղինակ ԶՈՐԻԿ ՀՈՎՍԵՓՅԱՆԸ հանրության դատին է հանձնել իր նոր «Քահանայի մեղքը» ֆիլմի անոնսը, որն իր...
Նիկոլն այլևս չի կարող քննադատելով իր հանապազօրյա հ... Նիկոլն այլևս ընդդիմադիր չէ, որ քննադատելով իր հանապազօրյա հացը վաստակի: Նիկոլը Հայաստանի ոչ բարով վարչապետն է և պետք է քարը քարին դնելով՝ ժողովրդի ...
Պարոնայք ղեկավարներ, արժան չգտա՞ք մի օր նվիրեք մեր...   Պարոնայք ղեկավարներ, արժան չգտա՞ք մի օր նվիրեք մեր որդիներին։ «Ապրիլի վերջին օրը նշում եք որպես քաղաքացու օր, իսկ պարոնայք ղեկավարներ...
Ստեփանավանում դպրոցականների էքսկուրսիան ավարտվել է... Քիչ առաջ արտակարգ դեպք է տեղի ունեցել Լոռու մարզում։ Shamshyan.com–ի հաղորդմամբ, ժամը 16։20-ի սահմաններում Արտակարգ իրավիճակների նախարարության ...
«Դիմակները հանելու ժամանակը».Վահան Բաբայան... Տուգանքից մինչև սփոփանք: 2016թ Փաշինյանը թեև կողմ քվեարկեց 1000 դրամների օրինագծին ասում էր«Պարոնայք, երբեմն տպավորություն է, որ մենք ուզում են...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով