Բաղդասարյանն անիրական է համարում ընդդիմադիրների նախընտրական խոստումների իրագործումը

By | 13.03.2017

Թիվ 9 ընտրատարածքում իշխող կուսակցության կողմից ռեյտինգային ցուցակով առաջադրված Վահրամ Բաղդասարյանն աբսուրդ է համարում ընդդիմադիրների կողմից հնչեցված նախընտրական խոստումների իրագործումը մեկ ամսում, նույնիսկ մեկ տարում: Միաժամանակ իշխող քաղաքական ուժի ղեկավար ներկայացուցիչը խոստացավ, թե իրենք 2018-ին կապահովեն «արդեն դինամիկ աճ, 19-20 թվականներին՝ թռիչքային աճեր»:

Հիշեցնենք, օրերս «Ծառուկյան» դաշինքի առաջնորդ Գագիկ Ծառուկյանը Վանաձորում հայտարարեց, թե մեծամասնություն ունենալու դեպքում մեկ ամսում կիրագործի իր բոլոր նախընտրական խոստումները:

«Ազատության» հետ զրույցում Ազգային ժողովի հանրապետական խմբակցության ղեկավարը սակայն, այդպես էլ չհստակեցրեց, թե որ քաղաքական ուժին նկատի ունի․ — «Այդ նույն մարդիկ, այդ նույն քաղաքական ուժերի մեծ մասը եղել են իշխանության մեջ, այն ժամանակ կարող էին այդ նպատակներն իրականացնել: Եվ նման խոստումներ տալ՝ մի ամսվա, մեկ տարվա ընթացքում նման քայլեր կատարելը անիրական եմ համարում: Որևէ իշխանություն իր երկրի թշնամին չի և չի եղել: Ամեն ինչ պետք է նայել հնարավորության սահմաններում: Այլ խնդիր է, որ այդ հնարավորությունները լավ չենք օգտագործել»:

Անդրադառնալով ընտրակաշառք բաժանելու մասին լուրերին՝ Բաղդասարյանն ասաց․ — «Եղել են նման նեգատիվ երևույթները, բայց գնալով ավելի պայքարը քաղաքակիրթ է դառնում: Եվ իմ առաքելությունը հիմնականում դա է, որ պետք է հորդորենք մեր բնակչությանը, հանրությանը, որպեսզի զերծ մնա նման գայթակղություններից: Նաև քաղաքական ուժերին, գործիչներին, առանձին թեկնածուներին մենք պետք է հորդորենք, որ պետք է դրսևորեն քաղաքական կամք, որ կարողանանք մենք ձևավորել այնպիսի Ազգային ժողով, որը հարիր կլինի մեր երկրին և մեր պետությանը»:

Բաղդասարյանը հակադարձեց նաև ընդդիմադիրների պնդումներին, թե Հայաստանում վախի մթնոլորտ կա․ — «Ընդհակառակը, թեկնածուները պետք է ժողովրդից վախենան: Օրինակ, ես մտածում եմ, որ ժողովրդին վախացնողը ինքը պետք է վախենա առաջին հերթին ժողովրդից․․․ այդ մթնոլորտ ստեղծողը: Չի կարելի կատակ անել հանրության հետ, ժողովրդի հետ չի կարելի կատակ անել: Ի՞նչ է նշանակում վախի մթնոլորտ: Թող իրենք էլ այդ վախի մթնոլորտում գնան և իրենց խղճի դիմաց կատարեն ճիշտ ընտրություն: Ինձ թվում է, որ վախի մթնոլորտ ստեղծողները որևէ մեկ անգամ հաջողության չեն կարող հասնել»:

Խորհրդարանում ՀՀԿ խմբակցության ղեկավարն այսօր Վանաձորում հանդիպեց անշարժ գույքի կադաստրի պետական կոմիտեի աշխատակազմի հետ: Հանդիպմանը ներկայացնում էր, թե ինչպես է աշխատելու նոր Ազգային ժողովը, թե ինչ ծրագրեր է իրականացնելու գործող իշխանությունը՝ դանդաղ տեմպերով, բայց «անվտանգ և արդյունավետ»․ — «Եվ այն մոտեցումները, որոնք որ կան՝ կոռուպցիայի դեմ պայքար, մենաշնորհների դեմ պայքար, ստվերի դեմ պայքար, դրանք արդեն տեսանելի են, բայց արդյունքները դեռ չկան: Դրա համար գնահատական մեզ չեն տալիս: Այսինքն դանդաղ են արդյունքները, միանգամից նաև վտանգավոր կլինի այդ արդյունքները տեսնելը: Իսկ եթե այս նպատակները, այս ծրագրերը իրականացնում է Կառավարությունը, 18 թվականին կլինի արդեն դինամիկ աճ, 19-20 թվականներին՝ թռիչքային աճեր»:

Հանրապետական խմբակցության ղեկավարը խորհուրդ տվեց ծանոթանալ թեկնածուների կենսագրությանը, կատարած աշխատանքներին, այնուհետև ընտրություն կատարել: Ապա ներկայացրեց իշխող ուժի կատարած աշխատանքները և պնդեց, որ իրենք մշտապես համագործակցել են ընդդիմադիրների հետ և ապրիլի 2-ից հետո էլ շարունակելու են միասին աշխատել․ — «Դրա վառ վկայություն նա է, որ մեր խմբակցությունը 70-72 հոգի են, իսկ մեր քվեարկությունները, եթե դուք նայեք, 100 ձայն, 106 ձայն, 90 ձայն․․․ Այսինքն առանց համագործակցության այդ ձայները չի կարող լինել»:

 

«Ազատություն» ռ/կ

Արցախում բան է փոխվել և ոչ դեպի լավ

01.04.2020

Նիկոլ Փաշինյան,ի՞նչ խաղեր ես խաղում. իմ տեղեկություններով ՀՀ բերված կորոնավիրուսի թեստերից 90%ը կեղծ դրական է ցույց տալիս.Մարինա Խաչատրյան

30.03.2020

Կարանտինի շրջանում հարուստներն ավելի են հարստանում, իսկ աղքատներն ավելի աղքատանում

03.04.2020

Պետական աշխատողներին ստիպում են գնալ արձակուրդ իսկ չգնալու դեպքում,իրենց կամքին հակառակ կուղարկեն պարապուրդի

01.04.2020

Պարետատունը հետ է կանգնել կարևոր, բայց կոշտ քայլից, որի համար վճարելու ենք բոլորս

31.03.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով