Քաղաքագետն այս փուլում տրամաբանական չի համարում Հայաստանի և Ադրբեջանի նախագահների հանդիպումը

By | 02.11.2016

ԵԱՀԿ Մինսկի խմբի համանախագահներին չի հաջողվել Հայաստանի և Ադրբեջանի նախագահների հանդիպման համաձայնություն ձեռք բերել։ «Արմենպրես»-ի հաղորդմամբ, լրագրողների հետ հանդիպմանը նման դիտարկում արեց քաղաքագետ Հրանտ Մելիք-Շահնազարյանը։ Նա նաև խոսեց Արցախյան հիմնախնդրի կարգավորման ներկայիս փուլի, վերջին գործընթացների, հնարավոր զարգացումների մասին:

«Բոլորս ուշադիր հետևում էինք ԵԱՀԿ Մինսկի խմբի համանախագահների տարածաշրջանային վերջին այցին, որի ընթացքում նրանք եղան Բաքվում, Ստեփանակերտում և Երևանում։ Որպես այցի արդյունք, հանդես եկան մի քանի հայտարարություններով, որոնցից մեկը խոսում էր այն մասին, որ ղարաբաղա-ադրբեջանական սահմանում իրավիճակը համեմատաբար հանգիստ է։ Բայց ցավոք սրտի, հենց այդ օրը, հրադադարի ռեժիմի խախտման պատճառով մենք նորից զոհ ունեցանք։ Խոսվում էր նաև երկու երկրների նախագահների հանդիպման կազմակերպման մասին, որ Հայաստանի և Ադրբեջանի ղեկավարները պատրաստակամություն են հայտնել, բայց նաև նշվեց, որ այդ հարցերը շարունակելու են քննարկվել Համբուրգում՝ արտաքին գործերի նախարարների մակարդակով»,-ասաց քաղաքագետը:

Նա տրամաբանական չի համարում նախագահների հանդիպումը այս փուլում։ «Որոշակի պայմանավորվածություններ ձեռք են բերվել վերջին երկու հանդիպումների ընթացքում, որոնք տեղի էին ունեցել Վիեննայում և Սանկտ Պետերբուրգում: Հետո մենք տեսանք, որ Ալիևը հրապարակայնորեն հրաժարվեց պայմանավորվածություններից։ Ի դեպ, այդ հանդիպումից խոսափում է Ալիևը, որովհետև բանակցային գործընթացում այսօր մի իրավիճակ է ստեղծվել, որը ադրբեջանական կողմի համար խնդրահարույց է։ Անգամ Ալիևը խոստովանեց, որ բանակցություններում և փակ սենյակներում իր վրա ճնշումներ են գործադրում, որպեսզի ճանաչի ԼՂ անկախությունը»,-նկատեց քաղաքագետը:

Նրա խոսքով` Ադրբեջանի նախագահը կփորձի խոսափել այդ հանդիպումից, քանի դեռ իրավիճակը չի փոխվել ոչ միայն բանակցային սեղանի շուրջ, այլև ընդհանրապես ԼՂ  հակամարտությունում։ «Հիմա Ալիևը փորձելու է սահմանում իրավիճակը լարելու կամ ժամանակ առ ժամանակ որոշակի գործողություններ անելու միջոցով, ինչ-որ մի նոր իրավիճակի հասնել: Փաստացի մենք չունենք բանակցային գործընթաց։ Ես վստահ եմ, որ ՄԽ-ն կփորձի ժամանակ շահել, որովհետև Ֆրանսիան նոր համանախագահ ունի։ Բոլոր դեպքերում, որոշակի ժամանակ կպահանջվի, որպեսզի նա ամբողջությամբ ներգրավվի խմբի աշխատանքներին, ծանոթանա նախկին բոլոր գործընթացներին։ Բացի դրանից, համանախագահները հասկանում են, որ նոր և թարմ մոտեցումների անհրաժեշտություն կա»,- նկատեց քաղաքագետը:

Հրանտ Մելիք-Շահնազարյանի խոսքով, սահմանում տակտիկական դիրքային պայքար է ընթանում, առանց կտրուկ գործողությունների, բայց դիրքերի մշտական բարելավման փորձով և կատարվում են անվտանգության նոր երաշխիքներ ստեղծելու գործողություններ։ Դրանք միտված են հետագայում անվտանգությունը ավելի կայուն դարձնելուն։

hrant2-thumb

«Քրեական գործ է հարուցվել պոռնոտեսանյութերի արտադրությամբ և տարածմամբ զբաղվող տրանսվեստիտի կողմից մանկապարտեզներ այցելելու մասին ԱԱԾ ուղարկված իմ դիմումի կապակցությամբ».Նարեկ Մալյան

26.05.2020

Նիկոլ Փաշինյանի հրաժարականի խոսքը

28.05.2020

Երևանում օրգազմի մասին պատմող գրքեր են բաժանել երեխաներին

25.05.2020

Կապանում ճակատ-ճակատի բախվել են Lexus-ն ու Нива-ն. կա վիրավոր

30.05.2020

«Հիմա, էդ դիմակը դրած լայվ ես մտնում, որ ի՞նչ ապացուցես՝ որ ո՞ւղտ չես․․․».Մարգարիտ Եսայանը՝ Փաշինյանին

25.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով