Ցավակցություն Իմամ Հոսեյնի Արբայինի կապակցությամբ

By | 20.11.2016
Загрузка...

Այսօր՝ լուսնային հիջրեթի 1438 թվականի սաֆար ամսվա 20-ը, 2016 թվականի նոյեմբերի 20-ը, աշխարհի շիաների երրորդ առաջնորդ Էմամ Հոսեյնի նահատակության քառասունօրյակն է`Արբայինը:

Իմամ Հոսեյնը նահատակվեց լուսնային հիջրեթի 61 թվականի մոհառամ ամսվա 10-ին, իր մի խումբ հավատարիմ աջակիցների հետ միասին, Մոհամմեդի անխառն իսլամը կենդանի պահելու համար բարձրացված  ընդվզման արդյունքնում :

Էմամ Հոսեյնի նահատակության քառասնօրյակի սգո արարողություններն իրականացվում են մզկիթներում ու հոսեյնիեներում, Մաշհադ քաղաքում գտնվող շիաների ութերորդ առաջնորդ Էմամ Ռեզայի դամբարանում և Ղոմ քաղաքում գտնվող Հազրաթ Մաըսումեի դամբարանում:

Նույն առիթով միլիոնավոր ուխտավորներ Իրաքի տարբեր շրջաններից ու աշխարհի այլ երկրներից, այդ թվում` իսլամական Իրանից, ոտքով կամ  խմբերով մեկնում են Իրաքի հարավում գտնվող Քյարբալա` Էմամ Հոսեյնի նահատակության քառասունօրյակի հանդիսություններին մասնակցելու համար: Ամեն տարի Էմամ Հոսեյնի Արբայինի հանդիսություններին ժողովրդային ծավալուն մասնակցությունը միջազգային լայն արձագանք է գտնում:

ԻԻՀ Ռադիո-հեռուստատեսության լրատվական գործակալությունը Էմամ Հոսեյնի և նրա հավատարիմ աջակիցների նահատակության Արբայինի կապակցությամբ ցավակցություն է հայտնում բոլոր մուսուլմաններին, հատկապես աշխարհի շիաներին ու այլ ազատախոհներին:

rohani-cc

Parstoday

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...