Մանկապատանեկան արվեստի 2-րդ ինտեգրատիվ հանրապետական փառատոնը մեկնարկում է

By | 14.11.2016
Загрузка...

ՀՀ մշակույթի նախարարության և «Երեխաների հատուկ ստեղծագործական կենտրոնի» աջակցությամբ, ս. թ. նոյեմբերի 17-24-ը` «Մշակութային կրթության աջակցության հիմնադրամը» Երևանում և ՀՀ մարզերում կանցկացնի Մանկապատանեկան արվեստի 2-րդ ինտեգրատիվ (ներառական) հանրապետական փառատոնը:

Փառատոնի հիմնական նպատակն է հաշմանդամություն ունեցող երեխաների ստեղծագործական ներուժի բացահայտումն ու ժամանակակից աշխարհում նրանց լիարժեք ադապտացումը, իսկ հայեցակարգային առանձնահատկությունն է` ընդհանուր ստեղծագործական ծրագրերի միջոցով հաշմանդամություն և ոչ հաշմանդամություն  ունեցող երեխաների միավորումը:

Փառատոնը կանցկացվի 6 անվանակարգերում՝ «Երաժշտարվեստ», «Կերպարվեստ», «Դեկորատիվ-կիրառական արվեստ», «Լուսանկարչական արվեստ», «Թատերարվեստ», «Գեղարվեստական խոսք», «Գրական ստեղծագործություն», «Պարարվեստ»:

Փառատոնին կմասնակցեն 41 ուսումնական հաստատության ու կազմակերպության շուրջ 500 երեխա: Փառատոնային ծրագիրը ներառում է համերգներ, պարային, թատերական ներկայացումներ, ցուցահանդես, կլոր սեղան, որոնք կանցկացվեն մայրաքաղաքի երաժշտական դպրոցներում և համերգասրահներում, Վանաձոր, Գավառ, Գյումրի, Դիլիջան քաղաքների մշակութային հաստատություններում:

Փառատոնի հանդիսավոր բացումը տեղի կունենա  նոյեմբերի 17-ին, ժամը 16:00-ին, Կոմիտասի անվան կամերային երաժշտության տանը (հասցե` Իսահակյան 1): Փառատոնը կավարտվի նոյեմբերի 24-ին, ժամը 16:00-ին, Երևանի Ա. Սպենդիարյանի անվան մասնագիտական երաժշտական դպրոցի դահլիճում անցկացվող համերգով (հասցե` Չայկովսկու 27):

Ազդագիրը ներբեռնել այստեղ:

minmankf

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...