Հոբելյանական հանդիսություն` նվիրված Նադեժդա Դավթյանին

By | 17.11.2016
Загрузка...

Ս. թ. նոյեմբերի 17-ին, ժամը 19:00-ին, Ա. Սպենդիարյանի անվան օպերայի և բալետի ազգային ակադեմիական թատրոնում կկայանա ՀՀ վաստակավոր արտիստ, բալետի պարուհի Նադեժդա Դավթյանին նվիրված հոբելյանական հանդիսություն, որին հաջորդող` Ա. Խաչատրյանի «Գայանե» բալետի հերթական ներկայացումը կնվիրվի արտիստի հոբելյանին:
Ն. Դավթյանը, Ա. Սպենդիարյանի անվան օպերայի և բալետի ազգային ակադեմիական թատրոնում 1974 թվականին բեմադրված «Գայանե» բալետային ներկայացման մեջ առաջինն է հանդես եկել գլխավոր հերոսուհու դերակատարմամբ: Մեծ է Ն. Դավթյանի վաստակն ու ներդրումը հայկական դասական պարարվեստի հանրահռչակման և զարգացման գործում:

Տասնամյակներ շարունակ Նադեժդա Դավթյանը ներկայացել է հայրենիքում, ինչպես նաև Հայաստանը լավագույնս ներկայացրել աշխարհի հեղինակավոր բեմերում, իսկ այսօր իր մասնագիտական գիտելիքներն ու փորձն է փոխանցում երիտասարդ արտիստներին` մեծապես նպաստելով մեր երկրում բալետային արվեստի զարգացմանը:
ՀՀ մշակույթի նախարարի հրամանով, բալետային արվեստի ասպարեզում ունեցած ծանրակշիռ ավանդի, երկարամյա ստեղծագործական գործունեության, ինչպես նաև ծննդյան հոբելյանի կապակցությամբ` Նադեժդա Դավթյանը պարգևատրվել է ՀՀ մշակույթի նախարարության Ոսկե մեդալով:
Կենսագրական տեղեկություններ:
Լուսանկարները ներբեռնել այստեղ:

%d5%b6%d5%a1%d5%a4%d5%b5%d5%a1-de

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...