Էրդողանը հայտարարել է ԱՄՆ-ից հիասթափված լինելու մասին

By | 20.11.2016

Թուրքիայի նախագահ Ռեջեփ Թայիփ Էրդողանը ամերիկյան cbsnews-ին տված հարցազրույցում հայտարարել է, որ հիասթափված է Միացյալ Նահանգներից:

Ինչպես հաղորդում է «Արմենպրես»-ը` վկայակոչելով լրատվամիջոցի պաշտոնական կայքը, Էրդողանը քննադատել է Միացյալ Նահանգներն այն հարցում, որ ԱՄՆ-ը դեռևս հրաժարվում է իրենց հանձնել Ֆեթուլլահ Գյուլենին, ում պաշտոնական Անկարան մեղադրում է զինված հեղաշրջման փորձը կազմակերպելու մեջ:

Էրդողանը հայտարարել է, որ Միացյալ Նահանգները ձախողվել է սիրիական պատերազմում, և դա բացասաբար է ազդել իր երկրի վրա: Թուրքիայի նախագահի խոսքով` ԱՄՆ քաղաքականությունը հստակ սպառնալիք է ստեղծել իր երկրի հարավային սահմանների անվտանգության համար:

«Մենք այս խնդիրների մասին խոսել ենք, քննարկել նախագահ Օբամայի և փոխնախագահ Բայդենի հետ: Նրանք ձախողեցին խնդիրը լրջորեն կարգավորելու հնարավորությունը: Դա շատ տխրեցնող է մեզ համար: Թույլ տվեք անկեղծ լինել իմ խոսքում, և ես հայտնի եմ իմ անկեղծությամբ: Ես ճիշտ չեմ խոսի, եթե ասեմ, որ հիասթափված չեմ, որովհետև ես հիասթափված եմ»,- ասել է նա:

Անդրադառնալով երկրում ռազմական հեղաշրջման հարցին և ԱՄՆ-ում բնակվող Գյուլենին` Էրդողանն ընդգծել է. «Ես չեմ պատրաստվում հեղաշրջման համար մեղադրել Միացյալ Նահանգներին: Բայց այդպես կարող է մտածել իմ ժողովուրդը: Ինչո՞ւ եք դուք այդ մարդուն դեռ ձեզ մոտ պահում:  Ուստի քանի դեռ դուք նրան պահում եք այդտեղ, ներողություն եմ խնդրում, մի նեղացեք, բայց այդպիսին կմնա թուրք ժողովրդի ընկալումը»:

erdogan-usa

Armenpress.am

«Քրեական գործ է հարուցվել պոռնոտեսանյութերի արտադրությամբ և տարածմամբ զբաղվող տրանսվեստիտի կողմից մանկապարտեզներ այցելելու մասին ԱԱԾ ուղարկված իմ դիմումի կապակցությամբ».Նարեկ Մալյան

26.05.2020

Նիկոլ Փաշինյանի հրաժարականի խոսքը

28.05.2020

Երևանում օրգազմի մասին պատմող գրքեր են բաժանել երեխաներին

25.05.2020

«Հիմա, էդ դիմակը դրած լայվ ես մտնում, որ ի՞նչ ապացուցես՝ որ ո՞ւղտ չես․․․».Մարգարիտ Եսայանը՝ Փաշինյանին

25.05.2020

Վաղ առավոտյան սպեցնազն անցել է գործի. Սյունիքում տեղի են ունենում զանգվածային ձերբակալություններ.«Փաստինֆո»

24.05.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով