Զարիֆը հակադարձել է Թրամփի հայտարարությանը

By | 12.11.2016
Загрузка...

ԻԻՀ ԱԳ նախարար Մոհամմեդ Ջավադ Զարիֆն ասել է, որ եթե ԱՄՆ-ն հրաժարվի գործադրել Համատեղ ակտի ծրագիրը, Իրանն ունի այլընտրանքներ:

Համաձայն «Ալ-Ալամ» հեռուստակայանի կայքի հաղորդման, Պրահայում լրարողների հետ ճեպազրույցում  Զարիֆն ասել է.  «Իրանը լիովին  իրականացրել է պայմանագրով նախատեսված իր  հաձնառությունները»:

«Դժբախտաբար ԱՄՆ-ն նույնիսկ գործող կառավարության օրոք լիովին չի կատարել իր պարտավորությունները: Այդուհանդերձ մենք հավատացած ենք, որ Համատեղ ակտի  ծրագիրը տրամաբանական ու լավ համաձայնություն է բոլոր կողմերի համար: Մեզ համար գերադասելի է այս պայմանագիրը, սակայն դա չի նշանակում, որ մենք չունենք այլընտրանք»,-հավելել է Զարիֆը:

ԱՄՆ-ի նորընտիր նախագահ Դոնալդ Թրամփը նախընտրական քարոզարշավի ընթացքում քնադատել էր դեմոկրատականներին` Համատեղ ակտի  ծրագրի կապակցությամբ: Նա նշել էր, որ այն ամենավատ  համաձայնությունն է և Սպիտակ տուն մուտք գործելուց հետո ինքը  կպատռի այդ համաձայնագիրը: Թրամփը նաև հայտարարել էր, որ Իրանի դեմ նոր շրջափակումներ պիտի գործադրվեն:

Թրամփի խորհրդական Վալիդ Ֆարսը ընտրություններում նրա հաղթանակից հետո ասել է, որ նորընտիրլ նախագահը նպատակ չունի պատռել համաձայնագիրը, այլ պահանջում է կրկին բանակցել ու վերանայել այն:

zarif

Parstoday

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...