Բժշկական համալսարանի ռեկտոր Միքայել Նարիմանյանն ազատման դիմում է գրել Ամբողջական հոդվածը կարող եք կարդալ այս հասցեով՝ https://armlur.am/606919/

By | 03.11.2016
Загрузка...

ArmLur.am-լրատվականից հայտնում են, որ` այսօր աշխատանքից ազատման դիմում է ներկայացնելու Մխիթար Հերացու անվան բժշկական համալսարանի ռեկտոր Միքայել Նարիմանյանը:

Հիշեցնենք, որ Երեւանի Մխիթար Հերացու անվան բժշկական համալսարանը 2012-2015 թվականների ընթացքում «Արդշինինվեստբանկ», «Էյչ-Էս-Բի-Սի Բանկ Հայաստան» եւ «Արդշինբանկ» ՓԲԸ-ների հետ կնքել է 5 վարկային պայմանագրեր:

Առաջին երեք վարկերը համալսարանին տրամադրվել են ընթացիկ ծախսերի իրականացման եւ շրջանառու միջոցների ձեռք բերման նպատակով, իսկ վերջին երկուսը՝ աշխատավարձի եւ դրան հավասարեցված վճարների հետ կապված ծախսերի իրականացման համար:

Ուշագրավն այն է, որ ձեւակերպված վարկերի մարումները դեռ չիրականացված՝ ներգրավվել են հաջորդ վարկերը, եւ կատարվել են նախորդ վարկերի տոկոսների մարումներ՝ ընդհանուր 1 մլն 421 հազար 600 ԱՄՆ դոլարի չափով: Ասել է թե՝ բժշկական համալսարանը «տոկոսի տակ է», վնասով աշխատող հիմնարկություն:

Ու այս վարկային պատմությունների հիմքը դրվել է ՀՀԿ-ական Դերենիկ Դումանյանի օրոք, որը բուռն շարունակություն է ունեցել ներկայիս ռեկտոր, Ամենայն հայոց կաթողիկոս Գարեգին Բ-ի պրոտեժե Միքայել Նարիմանյանի օրոք: Իսկ թե ինչ է ազատման դիմումի պատճառը ArmLur.am-ին առայժմ չհաջողվեց պարզել: Հետաքրքիր է, թե ում կվստահվի ռեկտորի թափուր պաշտոնը, որը ոլորտում բավականին առանցքային դեր ունի:
heraci

 

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...