Ասադն իր դաշնակիցների աջակցությամբ գրավել է Հալեպի զգալի մասը

By | 30.11.2016

«Սիրիացի ապստամբները կորցրել են իրենց հենակետի՝ Հալեպի արեւելյան շրջանի գրավված տարածքի գրեթե կեսը՝ կրելով ամենախոշոր պարտությունը 2012թ. ռազմական գործողությունների մեկնարկից ի վեր»,- The Times-ում գրում է Բել Թրյուն:

«Ասադի բանակը ռուսաստանյան օդուժի աջակցությամբ ներխուժել է Սաքհուրի, Հայդարիայի եւ Շեյխ Հոդրի հյուսիս-արեւելյան շրջանները, իսկ պաշտոնապես չեզոք համարվող քրդական զորքերը գրավել են Շեյխ Ֆարեսը: Դա կայծակնային առաջխաղացում էր, ինչի արդյունքում պաշարված արեւելյան անկլավը բաժանվեց երկու մասի եւ ապստամբներին դուրս մղեց հյուսիսային հատվածից, նրանց արգելափակելով հարավում»,- ասվում է հոդվածում:

«Մենք հեռացանք դատարկ ձեռքերով, չվերցնելով ոչ մի բան, բացի հագուստից,- ասել է Սաքհուրի բնակիչ Ադնան Աբդուլլահը:- Ես տեսել եմ մի տղամարդու, ով տանում էր իր երեխաներին, մյուսը փնտրում էր կորած երեխային: Մի կին գրկել էր երեք փոքրիկներին: Մենք բոլորս փրկվել ենք փախչելով»:

Նրա խոսքերով՝ փողոցները լի էին մարդկանցով, ովքեր փախչում էին, գոռում էին, իսկ հրթիռներն ամենուր էին: «Մենք փողոցներում տեսնում էինք արնաքամ լինող վիրավորների, սակայն ոչինչ անել չէինք կարող»,- ավելացրել է Աբդուլլահը:

«Մարդիկ քնում են փողոցներում: Նրանք ոչինչ չունեն ուտելու եւ խմելու, մենք նույնպես»,- ասել է «Սպիտակ սաղավարտներ» փրկարարական խմբի մամլո խոսնակ Իբրահիմ Աբու Ալ-Լաիթը:

«Դա Հալեպում 2012թ.-ից հետո ընդդիմության առաջին ծանր պարտությունն էր: Այդ կորուստները հարթում են Ասադի եւ նրա դաշնակիցների՝ Ռուսաստանի եւ Իրանի հաղթանակի ճանապարհը, որը կդառնա շրջադարձային»,- նշում է Թրյուն:

Ապստամբները կորցրել են տարածքների 40 տոկոսը: Սիրիական բանակը գրավել է Հալեպի արեւելյան մասի 8 քառ. մղոն տարածքը:

«Մեծ Բրիտանիայի արտաքին գործերի նախարար Բորիս Ջոնսոնը պահանջել է անմիջապես դադարեցնել կրակը՝  կոչ անելով Ռուսաստանին եւ Իրանին օգտագործել իրենց ազդեցությունը»,- ասվում է հոդվածում:

asad-rejim-0

galatv.am

Ի՞նչ գործ ուներ Մարիամ Փաշինյանը Հայկ Սարգսյանի հետ Սևանում. վարչապետը տեղյակ է եղել White Shorja լողափի հավաքույթից.«Իրավունք»

29.07.2020

«Ստախոս Մակունցին տեղեկացրեք, որ մի պահ եղած մարդը տեղում համակարգչով սեփական բիզնեսից ստացված եկամուտները չի հաշվարկում».Արսեն Բաբայան

27.07.2020

Արթնացա, տակս թաց էր, բայց չիշիկ չէր. ինչ են սովորելու դպրոցում՝ ըստ նոր չափորոշիչների. lurer.com

26.07.2020

Բոլոր ծախսերը վերցնել ինձ վրա․ Միայն մի բան եմ խնդրում՝ հուսահատվել պետք չէ, իրավիճակը բարդ է, բայց անելանելի չէ․ Գագիկ Ծառուկյան

29.07.2020

Թուրքիան զորք է մտցրել Նախիջևան․ հակառակորդի զորքերի և տեխնիկայի ցանկացած տեղաշարժ, ցանկացած ակտիվություն ռիսկային է

29.07.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով