ԱՄՆ-ն շարունակում է խաղարկել շրջափակումների խաղաքարտը

By | 16.11.2016

ԱՄՆ Կոնգրեսի Ներկայացուցիչների պալատը կողմ է քվեարկել 10 տարով Իրանի դեմ շրջափակումների  մասին Դամաթոյի օրենքի երկարաձգմանը։ Օրինագիծն ուժի մեջ մտնելու համար պետք է ստանա Սենատի ու նախագահի հավանությունը։

Դամաթոյի օրենքը ընդունվեց 20 տարի առաջ` Իրանի նավթարդյունաբերությունը ճնշման տակ դնելու համար: Այդ օրենքի հետևանքով տուժել է ԱՄՆ-ի տնտեսական գործընկերների մեծ մասը: Օրենքը մի քանի անգամ երկարաձգվել է:

Նշենք,որ ԱՄՆ հանրապետական սենատոր՝ Ալֆոնս Դամաթոն 1996 թվականին նոր նախագիծ ներկայացրեց Իրանին տնտեսական շրջափակման ենթարկելու վերաբերյալ,որը ընդունվեց Կոնգրեսի կողմից: Նախագիծն ԱՄՆ-ին թույլ է տալիս  պատժամիջոցներ կիրառել այն ընկերությունների ու պետությունների նկատմամբ, որոնք Իրանի նավթի ու գազի արդյունաբերության ոլորտում ավելի քան 40 միլիոն դոլարի ներդրում  կանեն:

Դամաթոյի միակողմանի օրենքը ուժի մեջ մտնելուց առաջ և հետո, ԱՄՆ-ն քայլեր ձեռնարկեց այլ երկրներին խրախուսելու` Իրանի դեմ նման որոշում ընդունելու համար:Այդ երկիրը բազմիցս հեռախոսային կապեր հաստատեց ԵՄ-ի որոշ անդամ երկրների ղեկավարների հետ և նրանց կոչ արեց տնտեսական շրջափակումներ կիրառել ԻԻՀ-ի դեմ :

ԱՄՆ-ն բազմիցս օգտագործել է տնտեսական լծակը և ոչ միայն Իրանի այլև շատ երկրների, այդ թվում Կուբայի , Ռուսաստանի, և մի շարք Լատինամերիկյան երկրների դեմ:ԱՄՆ-ն փաստորեն տնտեսական լծակն օգտագործում է իր զոռբայական նպատակների իրականացման համար:

Ինչ խոսք շրջափակման օգուտն ու վնասը միակողմանի չեն  կարող լինել: Նավթի վաճառքի վրա սահմանած էմբարգոյից տուժել են թե՛ ամերիկյան  ընկերությունները և թե՛ ԱՄՆ-ի ասիական ու եվրոպական դաշնակից երկրները: Համատեղ քայլերի համապարփակ ծրագրից հետո այդ երկրները մեծ ցանկություն են հայտնել իրանական շուկա վերադառնալու համար:

Նոյեմբերի 14-ին ԵՄ-ն հրապարակել է հաղորդագրություն, որում լիակատար հավատարմություն է հայտնել Համատեղ քայլերի համապարփակ ծրագրի նկատմամբ: ԵՄ  արտաքին քաղաքականության և անվտանգության հարցերով գերագույն հանձնակատար` Ֆեդերիկա Մոգերինին ասել է.«Համատեղ քայլերի համապարփակ ծրագրի իրագործումը միության գերակայություններից  է»:  Սա ցույց է տալիս, որ Եվրոպան մտադիր է Իրանի կապակցությամբ անկախ որոշում ընդունել և ԱՄՆ-ն չի կարող Եվրոպայի շահերը զոհել հանուն իր շահերի:

Եվրոպան տարբեր պատճառներով դեմ է ԱՄՆ-ի այդ քաղաքականությանը: Որոշ փորձագետներ համոզված են,որ երկրները չպետք է իրենց ներքին օրենքները տարածեն այլ երկրներում: Այդ իսկ պատճառով Կանադայի և Ֆրանսիայի նման երկրները քայլեր ձեռնարկեցին որպեսզի չեղարկեն իրենց ընկերությունների նկատմամբ ԱՄՆ-ի կողմից տարիներ սահմանված պատժամիջոցները:

Իրանն ունի իր տնտեսական քաղաքականություններն ու ռազմավարությունները և  գիտի ինչպես դիմակայել նման հոսանքներին: ԱՄՆ-ն համատեղ քայլերի համապարփակ ծրագրից հետո ապացուցեց,որ նպատակ ունի տարբեր պատրվակներով պահպանել հակաիրանական շրջափակումները:

Իրանը դիմակայել է բոլոր սադրիչ քայլերին և իրանաֆոբիայի քաղաքականությունը երբեք չի իրականացնի ԱՄՆ-ի հետապնդած նպատակները: Քանի որ այսօր իրական վախն ու մտահոգությունը հենց ԱՄՆ-ից է և այդ երկրի նորընտիր նախագահ՝ Դոնալդ Թրամփի ռասայական գաղափարներից ,որոնց մասին խոսում է նա:

usa-parl0

Parstoday

«ԿԳՄՍ նախարարությունը թույլ չի տվել, որ ես Հանրապետության հրապարակում ռեկորդ սահմանեմ». Գինեսի եռակի ռեկորդակիր.168.am

21.09.2020

Գավառի ոստիկանապետին ծեծի են ենթարկել. նրան շտապ տեղափոխում են Երևան.ArmLur.am

25.09.2020

Սա ապրիլյան պատերազմը չէ: Այս պատերազմն Ադրբեջանը գաղտագողի չի սկսել

27.09.2020

Մի քանի ժամից Նիկոլ Փաշինյան պրոյեկտը, Արցախի հարցում բացահայտված անհերքելին փորձելու է հերքել՝ գավառական խորամանկությամբ.Գևորգ Գևորգյան

26.09.2020

«Բենդերի» օնլայն արկածները ՄԱԿ-ում

22.09.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով