Ադրբեջանում լայնամսշտաբ զորավարժությունների ֆոնին իրավիճակը սրվել է ԼՂ-ի շփման գծերում

By | 12.11.2016

Ադրբեջանական զինուժը երեկ գիշերվանից ականանետերի կիրառմամբ արկակոծում է Թալիշի և Յարըմջայի ուղղություններով տեղակայված՝ ԼՂ պաշտպանության բանակի մարտական դիրքերը: Այս մասին հաղորդում է Լեռնային Ղարաբաղի պաշտպանության նախարարությունը:

Հայաստանի պաշտպանության նախարարության խոսնակ Արծրուն Հովհաննիսյանը հաստատեց վերջին շրջանում Ադրբեջանական կողմի ակտիվությունը։ «Միայն Թալիշի ուղղությամբ չեն արկակոծել, նաև այլ ուղղություններով։ Համեմատած նախորդ շաբաթների հետ՝ այո, ակտիվացել են»,- ասաց ՊՆ խոսնակը։

Այսօր Ադրեջանում մեկնարկում են լայնամասշտաբ զորավարժություններ: Ադրբեջանական APA լրատվական գործակալության հաղորդմամբ, վարժանքներին կմասնակցի մինչև 60 հազար զինվորական, ավելի քան 50 ինքնաթիռ և ուղղաթիռ, 150-ից ավելի տանկ, 700 հրթիռահրետանային համակարգ:

Օրեր առաջ Հայաստանի արտգործնախարար Էդուարդ Նալբանդյանը քննդատել էր Ադրբեջանին՝ լայնածավալ զորավարժությունների անցկացման համար՝ ասելով. «Ադրբեջանն, ինչպես միշտ, նորից սրում է իրավիճակը՝ հայտարարելով լայնածավալ զորավարժությունների մասին, որում ընդգրկված է ադրբեջանական բանակի գրեթե ողջ ներուժը»:

Լեռնային Ղարաբաղի նախագահի աշխատակազմի ղեկավարի տեղակալ Դավիթ Բաբայանի խոսքով՝ ներկա իրավիճակում Ադրբեջանին այլ բան չի մնում, քան կրակելը։ Պաշտոնյանի խոսքով՝ նման զորավարժություններով Ադրբեջանի նախագահը, ներքին խնդիր է լուծում։

«Այս զինավարժությունները նրա համար են, որպեսզի իշխանությունը ցույց տա իր քաղաքական ընդդիմախոսներին, որ խանը ունի նաև մեծ ասկյարների բանակ և հարկ եղած դեպքում կպահպանի իր իշխանությունն ու իր շահերը»,- ասաց Բաբայանը:

Քաղաքական վերլուծաբան Ռիչարդ Կիրակոսյանը կարծիքով էլ՝ Ադրբեջանն այլևս հաշվի չի առնում միջազգային հանրության կարծիքը։ «Ադրբեջանը Ղարաբաղի դեմ հարձակումներն օգտագործում է իր ներքին խնդիրներից ուշադրությունը շեղելու համար: Սա նաև փորձ է՝ ապակայունացնելու իրավիճակը: Բայց ամեն ինչ վերահսկողության տակ է, և այժմ չկա այն անսպասելիության էլեմետենտը, որ Ադրբեջանն ուներ ապրիլին: Հիմա հայկական կողմն ավելի պատրաստված ու ավելի զինված է: Այդուհանդերձ, սա ավելի շատ ուղերձ է միջազգային հանրությանն ու Մինսկի խմբին այն մասին, որ Ադրբեջանին դիվանագիտությունը չի հետաքրքրում և այդ երկիրը հենվում է միայն ուժի սպառնալիքի վրա:

ԼՂ-ի ԱԳ նախարարությունն էլ մի հաղորդագրությամբ լուրջ մտահոգություն  հայտնելով այն փաստի կապակցությամբ, որ իրավիճակի սրումը տեղի է ունենում ԼՂ սահմանագլխին Ադրբեջանի կողմից մեծաթիվ ռազմական տեխնիկայի և կենդանի ուժի ներգրավմամբ լայնամասշտաբ ռազմական զորավարժությունների նախապատրաստման ֆոնին, նշել է. «Նման գործողությունները կոպտորեն խախտում են շփման գծում լարվածության սրման անթույլատրելիության վերաբերյալ Վիեննայի և Սանկտ Պետերբուրգի գագաթնաժողովներին ձեռք բերված պայմանավորվածությունները։ Ավելին, Ադրբեջանը ոչ միայն հրաժարվում է միջադեպերի հետաքննության մեխանիզմների ստեղծումից և ԵԱՀԿ գործող նախագահի անձնական ներկայացուցչի գրասենյակի ընդլայնումից, այլև ձգտում է խափանել հրադադարի ռեժիմի պահպանումը դիտարկող միակ միջազգային մեխանիզմը՝ արկակոծելով այն շրջանը, որտեղ նախօրեին ԵԱՀԿ առաքելությունը պլանային դիտարկում է իրականացրել։

Ստեղծված իրավիճակում կոչ ենք անում ԵԱՀԿ Մինսկի խմբի համանախագահներին, ԵԱՀԿ գործող նախագահին և ողջ միջազգային հանրությանը՝ խստագույնս դատապարտել Ադրբեջանի իշխանությունների ապակառուցողական քաղաքականությունը և գործուն միջոցներ ձեռնարկել լարվածության հետագա սրացում թույլ չտալու համար»։

«Իր հերթին ԼՂ-ն կանխելու է Ադրբեջանի ցանկացած գործողություն, որը սպառնում է հանրապետության անվտանգությանը, տարածաշրջանում խաղաղությանը և կայունությանը»,-նշված է հաղորդագրության մեջ:

zorav

Parstoday

Ի՞նչ գործ ուներ Մարիամ Փաշինյանը Հայկ Սարգսյանի հետ Սևանում. վարչապետը տեղյակ է եղել White Shorja լողափի հավաքույթից.«Իրավունք»

29.07.2020

Բոլոր ծախսերը վերցնել ինձ վրա․ Միայն մի բան եմ խնդրում՝ հուսահատվել պետք չէ, իրավիճակը բարդ է, բայց անելանելի չէ․ Գագիկ Ծառուկյան

29.07.2020

Ի՞նչ մութ խաղեր են խաղում վարչապետն ու Զարեհ Սինանյանը

31.07.2020

Թուրքիան զորք է մտցրել Նախիջևան․ հակառակորդի զորքերի և տեխնիկայի ցանկացած տեղաշարժ, ցանկացած ակտիվություն ռիսկային է

29.07.2020

Վաղարշապատի նախկին քաղաքապետ Կարեն Գրիգորյանին և համայնքապետարանի ենթակայությամբ գործող բյուջետային հիմնարկների մի քանի պաշտոնատար անձանց մեղադրանք է առաջադրվել

29.07.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով