Սարգիս Բաժբեուկ-Մելիքյանը հեղինակավոր մրցույթում արժանացել է մրցանակների

By | 18.10.2016
Загрузка...

ՀՀ մշակույթի նախարարության աջակցությամբ, Ա. Սպենդիարյանի անվան օպերայի և բալետի ազգային ակադեմիական թատրոնի երիտասարդական օպերային երգիչների ծրագրի անդամ Սարգիս Բաժբեուկ-Մելիքյանը՝ ս. թ. սեպտեմբերի 19-26-ը Ուֆայում /Բաշկորտոստան, ՌԴ/ մասնակցել է Ֆ. Շալյապինի անվան վոկալիստների միջազգային առաջին մրցույթին՝ արժանանալով դիպլոմի և Իրկին Գաբիտովի անվան հատուկ մրցանակի:
Երիտասարդական օպերային երգիչների ծրագիրը ստեղծվել է 2015 թվականի դեկտեմբերին, Ա. Սպենդիարյանի անվան օպերայի և բալետի ազգային ակադեմիական թատրոնում՝ Հայաստանի Հանրապետության և Լիտվայի Հանրապետության ժողովրդական արտիստ Գեղամ Գրիգորյանի նախաձեռնությամբ: Ծրագրի նպատակը երիտասարդ մեներգիչների բազմակողմանի պատրաստումն ու կատարելագործումն է վոկալ արվեստում:

Երիտասարդ օպերային երգիչները վոկալի և բեմական շարժուձևի մեջ հմտանալուն զուգահեռ սովորում են «օպերային լեզուներ»՝ իտալերեն, ֆրանսերեն, գերմաներեն: Յուրաքանչյուրին հնարավորություն է տրվում մասնակցելու թատրոնի խաղացանկային ներկայացումներին, ինչպես նաև տարբեր համերգային ծրագրերի, արդյունքում` ձեռք բերելով բեմական փորձ: Ծրագրին ներկայումս մասնակցում են 10 երիտասարդ վոկալիստներ: Ծրագիրի ղեկավարն է Լևոն Ջավադյանը:

saq5

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...