Մեկնարկել է «Թեթև արդյունաբերության միջազգային համաժողով, ցուցահանդես, նորաձևության օրեր» խորագիրը կրող միջոցառումը

Հոկտեմբերի 17-ին «Երևան էքսպո» կենտրոնում մեկնարկել է Հայաստանի թեթև արդյունաբերության ոլորտին նվիրված՝ «Թեթև արդյունաբերության միջազգային համաժողով, ցուցահանդես, նորաձևության օրեր» խորագիրը կրող միջոցառումը։

Միջոցառման պաշտոնական բացմանը մասնակցել և ողջույնի խոսքով հանդես է եկել ՀՀ տնտեսական զարգացման և ներդրումների նախարարի առաջին տեղակալ Գարեգին Մելքոնյանը։

— Այս նախագիծը, որն իր բնույթով բացառիկ է և առաջին անգամ է կազմակերպվում Հայաստանում, անշուշտ, իր նշանակալի դերակատարումը կունենա թեթև արդյունաբերության ոլորտում Հայաստանի Հանրապետության ներուժի ներկայացման և հայ գործարարների համար միջազգային նոր հարթակներ նվաճելու տեսանկյունից։  Լիահույս եմ, որ միջոցառումը նաև կբարձրացնի հայրենական արտադրանքի ճանաչելիությունն ու պահանջարկը, իսկ այստեղ ձեռք բերված պայմանավորվածությունները կվերածվեն երկարաժամկետ և տնտեսապես փոխշահավետ համագործակցության, — իր խոսքում նշել է նա:

Միջոցառման ընթացքում կներկայացվի թեթև արդյունաբերության ոլորտի ողջ արժեշղթան՝ թելից մինչև պատրաստի հագուստի արտադրություն, այդ թվում նաև կաշվե իրեր, գլխարկներ, զարդ և աքսեսուարներ:

Միջոցառման նպատակն է խթանել Հայսաստանի թեթև արդյունաբերության ոլորտի զարգացումը, նախանշել տարածաշրջանային համագործակցության հեռանկարները, բացահայտել հայկական արտադրանքի նոր շուկաներ մուտք գործելու հնարավորությունները, ինչպես նաև ձևավորել գործընկերային հարաբերություններ ու  նպաստել փորձի փոխանակմանը:

Միջոցառմանը մասնակցում են թեթև արդյունաբերության ոլորտում ներգրավված արտադրողներ, գնորդներ, դիզայներներ և այլ շահագրգիռ կազմակերպությունների ներկայացուցիչներ Հայաստանից, Ռուսաստանից, Վրաստանից, Բելառուսից, Հնդկաստանից, Իրանից, եվրոպական մի շարք երկրներից:

Նախագծի համակազմակերպիչներն են՝ «Ատեքս» նորաձևության կենտրոնը, «Սիգնում» ընկերությունը և Ուրալի առևտրաարդյունաբերական պալատը։

Նախագծի իրականացմանն աջակցություն են ցուցաբերել ՀՀ տնտեսական զարգացման և ներդրումների նախարարությունը, Հայաստանի արդյունաբերողների և գործարարների միությունը և Հայաստանի թեթև արդունաբերության գործատուների միությունը:

Միջոցառումը կշարունակվի հոկտեմբերի 18-19-ին:

taraz2

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով