ՀՀ գյուղատնտեսության նախարարը Ռոզա Ծառուկյանին և Վարուժան Մուրադյանին է հանձնել ՀՀ Նախագահի մեդալը

Հայաստանի Հանրապետության Անկախության 25-ամյակի առթիվ, տնտեսության զարգացման գործում ներդրած նշանակալի ավանդի համար «Մուլտի Ագրո» գիտաարտադրական կենտրոնի գլխավոր տնօրեն Ռոզա Ծառուկյանը պարգևատրվել է ՀՀ Նախագահի Երախտագիտության մեդալով:

 

ՀՀ Նախագահի մեկ այլ հրամանագրով Հայաստանի Հանրապետության Անկախության 25-ամյակի առթիվ, տնտեսության զարգացման գործում ներդրած ավանդի համար Երախտագիտության մեդալով պարգևատրվել է «Վան Արդի» ՍՊԸ-ի հիմնադիր տնօրեն Վարուժան Մուրադյանը:
ՀՀ գյուղատնտեսության նախարարությունում այսօր տեղի է ունեցել պարգևատրման արարողություն, որի ընթացքում ՀՀ գյուղատնտեսության նախարար Իգնատի Առաքելյանը  գործարարներին հանձնել է ՀՀ Նախագահի մեդալները:

 

Շնորհավորելով Ռոզա Ծառուկյանին և Վարուժան Մուրադյանին նման բարձր պարգևի արժանանալու առթիվ և շնորհակալություն հայտնելով ծավալած ակտիվ և արդյունավետ գործունեության համար` նախարարը մաղթել է նրանց հետագա արգասաբեր աշխատանք և նորանոր հաջողություններ ու ձեռքբերումներ գյուղատնտեսության ոլորտում:

 

Շնորհակալություն հայտնելով բարձր պատվի և պարգևի համար` Ռոզա Ծառուկյանը նշել է, որ այն խիստ պարտավորեցնող է` հավելելով, որ այն ծրագրերը, որոնք ինքն իրականացնում է, կլինեն շարունակական:

 

Իր հերթին Վարուժան Մուրադյանն երախտագիտություն է հայտնել իր աշխատանքը բարձր գնահատելու համար և վստահեցրել է, որ կշարունակի քայլեր ձեռնարկել մեր երկրում գինեգործության մշակույթի զարգացման և գինեգործական ավանդույթների պահպանման ուղղությամբ:

24t

ՀՀ գյուղատնտեսության նախարարության տեղեկատվության և
հասարակայնության հետ կապերի բաժին

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով