[:hy]ՀՀ էկոնոմիկայի նախարար Արծվիկ Մինասյանն աշխատանքային այցով եղել է Շիրակի մարզում[:]

Загрузка...

[:hy]Հուլիսի 26-ին ՀՀ էկոնոմիկայի նախարար Արծվիկ Մինասյանն աշխատանքային այցով եղել է Շիրակի մարզում:

Այցի հիմնական նպատակը մարզի տնտեսական ներուժին ծանոթանալն ու պետություն-մասնավոր հատված փոխգործակցության արդյունավետ մեխանիզմների շուրջ տեղի գործարարների հետ հանդիպումն ու քննարկումն էր: Հարցերին լուծումներ տալու նպատակով էլ նախարարին ուղեկցում էին էկոնոմիկայի նախարարության ոլորտային պատասխանատու փոխնախարարները` Հովհաննես Հովհաննիսյանն ու Էմիլ Տարասյանը, նախարարության պատասխանատուներ, էկոնոմիկայի նախարարության համակարգում գործող կազմակերպությունների ղեկավարներ: Այցի ընթացքում էկոնոմիկայի նախարարին ուղեկցել են Շիրակի մարզպետ Հովսեփ Սիմոնյանը, Գյումրիի քաղաքապետ Սամվել Բալասանյանը, այլ պաշտոնատար անձինք:

Շիրակի մարզ այցի մեկնարկը  տրվել է Մարալիկի բամբակամանվածքային ֆաբրիկայից: Ժամանակին շուրջ երկու հազար աշխատող ունեցող գործարանն այժմ համեստ աշխատանքային ներուժով աշխատող կազմակերպություն է, որը ներկայում գտնվում է սնանկացման գործընթացում, ունի լուրջ ֆինանսական խնդիրներ: Նախարարի խոսքով` դա թե՛ ֆինանսական պարտավորությունների գոյությունն է, թե՛ արտադրանքի համար շուկաների սահմանափակության խնդիրը, և ներկայում անհրաժեշտություն կա մասնագիտական կազմով քննարկումների` ձեռնարկության վերակառուցման և առողջացման ծրագրի ընդունման համար:

Շիրակի մարզպետարանում կայացած խորհրդակցությանը նախարարն անդրադարձել է մարզի տնտեսական քաղաքականությանը, առկա ներուժին: Շիրակի մարզպետն ու Գյումրիի քաղաքապետը ներկայացրել են գործարար միջավայրի դժվարությունները, խնդիրները, որոնց լուծման համար ակնկալվում է կառավարության աջակցությունը: Խոսքը նաև հարկային, մաքսային արտոնությունների, ազատ տնտեսական գոտիների կամ դրանց հավասարեցված արդյունաբերական հատուկ գոտիներին մասին  է, ինչը կխթանի գործարարության զարգացումը: Նախարարը ներկայացրել է այն հնարավորությունները, որ ներկայում կան և որոնցից մեր գործարարները լիարժեքորեն չեն օգտվում:

— Այստեղ կա նաև իրազեկվածության խնդիր և նախարարությունը պատրաստ է անել ամեն ինչ, որպեսզի Շիրակի մարզը տնտեսական լավ արդյունքներ ցույց տա, — իր խոսքում, մասնավորապես, նշել է նախարարը:

Այնուհետ կայացել է այցելություն «Անալիտ սարք-1» ընկերություն: Նախարարը ծանոթացել է ընկերության արտադրական հնարավորություններին: Տնօրինության հետ զրույցի ընթացքում Արծվիկ Մինասյանը ներկայացրել է Ռուսաստանի միացյալ նավաշինական կորպորացիայի (“Объединенная судостроительная корпорация”) հետ բանակցությունների ընթացքը, ինչը հնարավորություն կտա «Անալիտ սարք-1»-ի կողմից նոր տիպի նավերի համար աղաչափերի արտադրություն կազմակերպելու:

«Արմտեքս Գրուպ» ընկերությունում ներկայացվել է գործարանի արտադրանքը, որը ներկայում արտահանվում է ԱՄՆ, Կանադա, ՌԴ, և այն խնդիրները, որոնց լուծման համար ակնկալվում է կառավարության օգնությունը: Ներկաներին հաճելիորեն զարմացրել է թողարկվող արտադրանքը: Արծվիկ Մինասյանը նշել է այն նաև տեղական շուկայում ներկայացված լինելու անհրաժեշտությունը:

Փոքր ու միջին բիզնեսին վերաբերող հարցերն այնուհետ քննարկման թեմա են դարձել ՓՄՁ ԶԱԿ-ի Գյումրու մասնաճյուղում: Տեղական բիզնեսի զարգացման խնդիրներն են ներկայացրել ՓՄՁ ԶԱԿ-ի տնօրեն Լևոն Մնացականյանը, «ՓՄՁ ներդրումներ» ՈՒՎԿ գործադիր տնօրեն Արթուր Բադալյանը, մասնաճյուղի աշխատակիցներ: Նշվել է բիզնեսին անհրաժեշտ ֆինանսավորման ծավալների պակասը, որը հանդիսանում է հիմնական խոչընդոտը ձեռներեցության զարգացման գործում: Միաժամանակ ներկայացվել են հաջողված բիզնես-ծրագրերը, նշվել է կանանց ակտիվությունը ձեռներեցության զարգացման գործում:

Այցի հերթական կանգառները Ստանդարտների և Չափագիտության ազգային ինստիտուտների Գյումրու մասնաճյուղերում էին, այնուհետև` Հայաստանի Ազգային Պոլիտեխնիկական Համալսարանի Գյումրու մասնաճյուղում: Այստեղ նախարարին ռոբոտաշինության երիտասարդ մասնագետները ներկայացրել են իրենց աշխատանքները, որոնք նաև տարբեր մրցույթներում լավագույնն են ճանաչվել:

Այցի ավարտին նախարարը եղել է Գյումրու տեխնոլոգիական կենտրոնում, ծանոթացել այստեղ գործող մի շարք ընկերությունների և մուլտիմեդիա լաբորատորիաների գործունեությանը:

ՀՀ էկոնոմիկայի նախարար Արծվիկ Մինասյանի այցը Շիրակի մարզ եզրափակվել է Գյումրու տեխնոլոգիական կենտրոնում` գործարարների հետ հանդիպմամբ:

Այցի ընթացքում նախարարը պատասխանել է նաև լրագրողների հարցերին` Շիրակի մարզի տնտեսական զարգացման հնարավորությունների, ներուժի, խոչընդոտների ու խնդիրների շուրջ:

arcvik978_4120593[:]

Նմանատիպ նորություններ

Դե վայելե՛ք, իմ «ՀՊԱՐՏ» քաղաքացիներ, սա է Ձեր ընտր... Մինչև չգա հետինը, չի հիշվի առաջինը Լրացավ ապրիլ-մայիսյան իրադարձությունների մեկ տարին, ինչպես կուզեք անվանեք այդ գործընթացները՝ իշխանափոխություն,...
Փարիզում այրվում է Վերսալը Ֆրանսիացիները դեռ ուշքի չէին եկել Աստվածամոր տաճարի հրդեհից և ահա նոր հարված։ https://youtu.be/qvxKJxFoaU4...
Արարատ Միրզոյանի կողմից հարթակ նետվեց հերթական առա... ՀՀԿ փոխնախագահ Արմեն Աշոտյանն իր ֆեյսբուքյան էջում գրում է.   – Այսօր Արարատ Միրզոյանի կողմից հարթակ նետվեց հերթական առասպելը ՝ Կարեն Կ...
Տնտեսական հեղափոխության պարագայում առաջարկում ենք ... Երևանի պետական համալսարանի Տնտեսագիտության և կառավարման ֆակուլտետի պրոֆեսորադասախոսական կազմի և ուսանողների հետ հանդիպմանը վարչապետ Նիկոլ Փաշինյան...
«Ինքս հրաժարականը չեմ լսել, չեմ էլ կարդացել» .Արար... Արարատ Միրզոյանը ֆեյսբուքյան իր էջում գրառում է արել,որտեղ ասվում է,որ ինքը  մինչև հիմա Սերժ Սարգսյանի հրաժարականի մասին ոչ լսել է,ոչ էլ կարդացել Գ...
«Պրն. Հարությունյան, մեծ հաշվով մենք փաթթած ունենք... Բաց նամակ ԿԳ նախարար Արայիկ Հարությունյանին Պրն. Հարությունյան դուք հայտարարել եք, որ «քաղաքական գեղցիներ» են նրանք, ովքեր շահարկում են Կարաբին...
«Ժամանակ». Ձեռքից ձեռք. Ավիակերոսինի ներմուծման ոլ... «Ժամանակ» թերթը գրում է. «Նոր իշխանությունների օրոք շարունակվում է տնտեսության եկամտաբեր ճյուղերի վերաբաշխման գործընթացը: «Ժամանակ»-ի տեղեկությ...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...