[:hy]ԱԱԾ-ի հրամանով «Միայնակ Գայլի» ընտանիքին զրկել են նպաստից.Medialab[:ru]«Միայնակ Գայլի» ընտանիքին զրկել են նպաստից. Այցելություն Ծաղկահովիտ՝ Խանդոյանների ընտանիքին[:]

[:hy]Էսօր Արթիկից Ապարանով գալուց ճամփին ոստիկաններ էին կանգնած՝ ավտոմատներով։

Կանգնացնում էին համարյա բոլորին։ Ես ու հորեղբորս աղջիկն էինք՝ Մերին, ճամփին որոշեցինք մտնել Ծաղկահովիտ, Արայիկ ու Արարատ Խանդոյանների գյուղը։

Գյուղում մի տեսակ ծպտված շարժ կար, իսկ ընդհանրապես՝ սառած անշարժություն էր, սենց սովետական բլածություն։ Մերին ասեց՝ արի էն տատիկին հարցնենք Արայիկենց տան տեղը։

Մենակ տատիկ էր, գնում էր փոշոտ ճամփով։ Ապակին իջացրի, որ հարցնեմ, զարմացա, Ռիմա տատիկն էր հենց՝ Արայիկի մայրը, վիդեոների մեջ տեսել էի։ Ասեցի՝ ձեր տունն էինք փնտրում, տատիկ։

Էնքան ուրախացավ, ոնց որ միանգամից լքեր մենակությունը։ Նենց զգացողություն էր, որ գյուղում չնայած ընդունված ու սիրված են, ակնածանք կա օդի մեջ, բայց հիմա մարդիկ շատ մոտ չեն գալիս, հեռվից նայվող մարդիկ են դառել։

Տնակի մեջ էին ապրում՝ ինքն ու մի տղան, մյուսներին կողքի շենքում տուն են տվել իբր, բայց Արարատի կինը՝ Սոնան պատմում էր, որ Արայիկի տան պատը փլվում է, տունը ջրի մեջ է։

Մի քանի երեխաներ էին պտտվում հեծանիվներով՝ թղթե փոքրիկ պաստառներով՝ Մենք Միայնակ Գայլն ենք, Մենք Սասնա Ծռերն ենք։

Պատմեցին, որ էդ երեխաների հեծանվային պտույտների համար Ապարանից ոստիկանների խումբ է եկած եղել։

Ռիմա տատիկը կարար աշխարհի բարության թոշակ ստանար։ Բայց հաշմանդամության նպաստը կտրել են էս դեպքերից հետո: Նպաստը կտրել են, Արարատին կալանավորել են, իսկ Արարատը վարկեր ունի շատ՝ ըստ Սոնայի, Արայիկը ունի հինգ երեխա, ցորեն են ցանում ու ամեն տարի սպասում՝ բերք կլինի՞, թե՞ չէ։ (Ասեցին, որ ամեն ամսվա վերջում՝ 24-25-ին ստանում էին նպաստը, սակայն այս անգամ իրենց տեղեկացրել են, որ այլեւս չեն ստանալու, քանի որ այդպես են ասել «կգբ»-ից: Առավել մանրամասն խնդրին կանդրադառնանք առաջիկայում: Ի դեպ, նպաստի չափը 17.000 դրամ է):

Հիմա կրակել են Արայիկի էն ոտքին, որի հենակները մի քանի տարի առաջ է ցած դրել։

Ասեց՝ որ տեսանք Արայիկը վիդեոյի մեջ գոռգոռում էր, զարմացել էինք, կյանքում Արայիկին գոռալուց չենք տեսել։

Ռիմա տատիկը մոմեր էր հանել գրպանից, որոնք վառելու էր գնում փաստորեն, երբ ճամփին տեսանք։

Չգիտեմ, հա պատմում էին երկու կին՝ հեռվից հարգված, բայց մենակ թողնված, տնակը մութ էր, նույնիսկ ցուրտ, իսկ տնակի սենյակներից մեկը վերից վար լիքն էր ապակիների ետեւում շարված գրքերով։

Մեզ ոչ ոք չբռնեց, հավանաբար ոչ մի բանի տեղ էլ չէինք անցնում մեր կուլ գնացած հայացքներով։

Աննա Դավթյան

Լուսանկարում՝ Ռիմա տատիկը (Լուսանկարը՝ Աննա Դավթյանի)

Մանրամասներն ̀ սկզբնաղբյուր կայքում:

ռիմաaaa-472x265[:]

Նմանատիպ նորություններ

«Եկեք Ադրբեջան անվանենք Երևան մայրաքաղաքը». Թեժ բա... Երևանի ավագանու այսօրվա նիստում թեժ բանավեճ ծագեց «Լույս» խմբակցության անդամ Անի Խաչատրյանի ու «Իմ քայլը» խմբակցության անդամ Հայկ Հովհաննիսյանի միջև։...
Կառավարությունն իր դռներն է բացել ԼԳԲՏ համայնքի առ... Օրերս «Ընտանեկան բռնության մասին» օրենքի շուրջ քննարկում է տեղի ունեցել Սոցապ նախարարությունում: Փոխնախարար Ժաննա Անդրեասյանի հետ հանդիպմանը ներկա...
Քաղաքացու օր նշող Նիկոլենք թքած ունեն քաղաքացու կա... Քաղաքացու օր նշող Նիկոլենք թքած ունեն քաղաքացու կարծիքի վրա... Ավշարի դպրոցում 10 օր է դասադուլ և գործադուլ է, մոտ 500 աշակերտ չի մասնակցում ու...
Նիկոլ Փաշինյանն էլ ՀՀԿ-ի համար «ընդդիմություն է աշ... «ՀՀԿ-ի համար» աշխատած նախարարների ցանկը՝ ըստ ԱԺ պատգամավոր Գայանե Աբրահամյանի՝ 1. Զոհրաբ Մնացականյան ՀՀ արտաքին գործերի նախարար 2. Դավիթ Տոնո...
Բաց նամակ տիկին Նաիրա Զահրաբյանին և մյուս շահագրգի... Բաց նամակ տիկին Նաիրա Զահրաբյանին և մյուս շահագրգիռ անձանց: Ցանկանում եմ խոսել վիճակախաղերի՝ բուքմեյքերական ընկերությունների, կազմակերպման պայմ...
«Ի՞նչ քաղաքացու օր, ի՞նչ հեղափոխություն»Հայկ Մարտի... Քաղաքագետ Հայկ Մարտիրոսյանը ֆեյսբուքյան իր էջում գրում է. «Ի՞նչ քաղաքացու օր, ի՞նչ հեղափոխություն: Ե՞րբ ենք դատարկ տոները փոխանակ շատացնելու` ք...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով