[:hy]Սփյուռքի նախարարը մասնակցեց «Հելիոս պոդոլագիա» բժշկական կենտրոնի բացման արարողությանը[:]

[:hy]Հունիսի 18-ին Ամիրյան 27/1 հասցեում ՀՀ Սփյուռքի նախարար Հրանուշ Հակոբյանը մասնակցեց սփյուռքահայ բժիշկ Հելեն Ազարյանի «Հելիոս պոդոլագիա» բժշկական կենտրոնի բացման արարողությանը:

Ողջունելով ներկաներին՝ նախարար Հրանուշ Հակոբյանը շնորհավորեց նախաձռնությունը կյանքի կոչած քուվեյթահայ բժիշկ Հելենին, կենտրոնի աշխատակիցներին, հատկապես հայ կանանց՝ նման բացառիկ ծառայություններից օգտվելու հնարավորության համար, նա բարձր գնահատեց այն սփյուռքահայերի ջանքերը, ովքեր հայրենիքում ներդրումներ են կատարում և ստեղծում են աշխատատեղեր:

Սփյուռքի նախարարը մասնավորապես ասաց. «Ուրախ եմ, որ «Հելիոս» կենտրոնների երկրորդ ժապավենն եմ կտրում: Բազմաթիվ ժամանակակից բժշկական կենտրոններ են գործում, սակայն սփյուռքահայերը նոր ուղղություններ են փորձում զարգացնել, Երևանի սրտում բացվում է «Հելիոս պոդոլագիա» ժամանակակից բժշկական կենտրոնը, որը մատուցելու է ոտնաթաթի և ձեռքերի բժշկական և էսթետիկ խնամքի  ծառայություններ՝ համատեղելով առողջարարն ու գեղեցիկը: Հատկապես խորին շնորհակալություն եմ հայտնում Հելենի ամուսնուն՝ քուվեյթահայ գործարար ֆիլիպ Փաթաթանյանին, ով շռայլորեն Երևանում արդեն երկրորդ բժշկական կենտրոնն է բացում, հուսամ, որ «Հելիոսի»  ցանցը կտարածվի նաև մարզերում, մասնավորապես կենտրոն կստեղծվի Գյումրիում: «Հելիոսը» գործում է շուրջ տաս տարի և առողջապահության ու ծառայությունների մատուցման նոր մշակույթ է բերել Հայաստան: Չափազանց կարևոր է, որ կենտրոնում աշխատում են այնպիսի  բարձր որակավորում ունեցող բժիշկներ՝ և մասնագետներ, ինչպիսին պրոֆեսոր Էդուարդ Դանիելյանն է: Եվս մեկ անգամ շնորհավորում եմ գեղեցկուհի Հելենին և նրա հրաշալի ընտանիքին նման փայլուն ծրագիրը իրականություն դարձնելու, նման ջերմ թիմ, մարդկային ու հայեցի միջավայր, ձևավորելու համար և մաղթում եմ նոր մտահղացումներ, նոր ուժ ու եռանդ, նոր ու օգտակար ձեռնարկներ»:

Ողջույնի խոսքով հանդես եկավ կենտրոնի տնօրեն Հելեն Ազարյանը, նա շնորհակալություն հայտնեց, Սփյուռքի նախարարին և բոլոր նրանց, ովքեր եղել են իր կողքին, ովքեր աջակցել են կենտրոնի ստեղծման գործում: Նա նշեց, որ առաջին «Հելիոս» կենտրոնը հիմնադրվել է Քուվեյթում՝ 20 տարի առաջ, իսկ հայաստանյան մասնաճյուղը՝  2007 թվականին:

«Նոր մասնաճյուղում մեկտեղվել են և՛ պոդոլոգիական բուժական, և՛ էսթետիկ բաժինները` հաճախորդին մատուցելով համակողմանի ծառայություններ, հնարավորություն տալով բուժումն ստանալուց հետո կենտրոնից դուրս գալ խնամված ու լավ տեսքով: Կենտրոնը հագեցած է գերմանական ժամանակակից սարքավորումներով: Հուսով եմ մեր կենտրոնը օգտակար գործունեություն կծավալի՝ թեթևացնելով ոտնաթաթի և ձեռքերի խնդիրներ ունեցողների հոգսերը»,-նշեց Հելեն Ազարյանը:

hrush2[:]

Նմանատիպ նորություններ

Կամ վարչապետը պետք է պատասխանատվության ենթարկվի, կ... Կամ վարչապետը պետք է պատասխանատվության ենթարկվի նախկին նախագահի բարի համբավը, նաև պետական կարևորագույն ինստիտուտը վարկաբեկելու համար, կամ նախկին նախագ...
Կոտայքի մարզպետը եթե չգիտի ասեմ,որ ձեր մարզում նոր... Կոտայքի մարզպետը եթե չգիտի ասեմ,որ ձեր մարզում նոր զիբիլանոցա ուզում բացվի: Աշխարհագրական կոորդինատներն են Գեղադիր և Ողջաբերդ գյուղերի արանքը: Ավե...
Նարեկ Մալյանի գործով «Ռեստարտի» ևս 4 անդամի մեղադր... Նախկին ոստիկանապետ Վլադիմիր Գասպարյանի խորհրդական Նարեկ Մալյանի և «Ռեստարտ» նախաձեռնության անդամների միջև տեղի ունեցած դեպքի առթիվ «Ռեստարտ» նախաձ...
Իշխանության վարկանիշը իջնում է անասելի արագությամբ... Մամուլը գրում է,որ ռեֆորմիստները սկսում են բողոքի ակցիաներ:Այո նման քննարկում իրոք եղել է մեր կառույցներում,սակայն այս պահին նման որոշում չկա: ...
«Կարիք չկա Ֆեռարիով իրեն հասնել, որովհետեւ Նիկոլ Փ... Փաշինյանի կառավարումը վերածվել է մեքսիկական սեիալի՝ սելֆի-լայվ-ասուլիս, սելֆի-լայվ-ասուլիս. սա է նրա 11 ամսվա կառավարման բնութագիրը,- Henaran.am -...

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով