[:hy]Ռազմաշաբաթ. Հայաստան. 12–18 հունիսի, 2016[:]

By | 18.06.2016

[:hy]Շաբաթն առաջնագծում հանգիստ է եղել • Ինքնասպան է եղել ՊԲ զինծառայող • Նշանակվել է ՀՀ ԶՈւ հետախուզության պետ • Հանդիպել են ՀՀ և ՌԴ պաշտպանության նախարարները • Մովսես Հակոբյանը հանդիպել է Իրանի պաշտպանության նախարարին • ՀՀ ՊՆ պաշտոնյաներին ընդունել է Բակո Սահակյանը • Քննարկվել է հայ-չեխական ռազմատեխնիկական համագործակցության համաձայնագրի նախագիծը • Անցկացվել է ՀՀ ռազմարդյունաբերության հանձնաժողովի առաջին նիստը • Հայաստանը զենք է մատակարարել Աֆրիկա • Ռազմինֆոն ներկայացրել է ԱՄՆ ռազմական օգնությունը Հայաստանին և Ադրբեջանին • ՀՀ ԶՈւ խաղաղապահները կվերապատրաստվեն Գերմանիայում • ՀՀ ԶՈւ-ում մեկնարկել են ամփոփիչ ստուգումներ • Հավաքներ են անցկացրել ռազմական վարժարանի կուրսանտները • Արցախի գյուղատնտեսական տարածքները մաքրվում են չպայթած զինամթերքից • ՀՀ ՊՆ հանձնաժողովը զբաղվելու է զորակոչի հետ կապված դիմումներով • ԱԱԾ-ում աշխատելու համար ծառայած լինելը պարտադիր չի լինի • Բարերարները ՊԲ-ին են փոխանցել 3080 անձրևանոց • Զինծառայողի մահվան գործով մեղադրանքներ են առաջադրվել

• Շաբաթվա ընթացքում առաջնագծի իրավիճակը հարաբերականորեն հանգիստ է եղել, կրակոցները հիմնականում եղել են հրաձգային և դիպուկահար զինատեսակներով, թեև կիրառվել է նաև ԱԳՍ-17 նռնականետ (հունիսի 12, հունիսի 13, հունիսի 14, հունիսի 15, հունիսի 16, հունիսի 17,հունիսի 18

• Հունիսի 17-ին ՊԲ զորամասերից մեկում բերանի շրջանում հրազենային վնասվածքից մահացել է զինծառայող Հրանտ Գարուշի Գրիգորյանը։ Հարուցվել է քրեական գործ ինքնասպանության հասցնելու հոդվածով։

• Հունիսի 17-ին ՀՀ նախագահի հրամանագրով գնդապետ Վաղինակ Սարգսյանը նշանակվել է ՀՀ զինված ուժերի գլխավոր շտաբիհետախուզության վարչության պետ: Արցախի նախագահի հրամանագրով էլ հունիսի 14-ին գնդապետ Ջալալ Հարությունյանը նշանակվել է ՊԲ հարավային ուղղությամբ տեղակայված միավորման հրամանատար:

• Հունիսի 14-ին ՀՀ ՊՆ պատվիրակությունը մեկնել է Մոսկվա և հունիսի 15-ին մասնակցել է ԱՊՀ պաշտպանության նախարարների խորհրդի նիստին, որի ժամանակ նախանշվել են ԱՊՀ մասնակից պետությունների զինված ուժերի 2017թ. համատեղ միջոցառումները: Մինչ ԱՊՀ ՊՆԽ նիստը հունիսի 14-ին ՀՀ ՊՆ առաջին տեղակալ Դավիթ Տոնոյանը հանդիպել է ՌԴ ՊՆ տեղակալ Անատոլի Անտոնովին և քննարկել ռազմական և ռազմատեխնիկական երկկողմ համագործակցության հարցեր։ Հունիսի 15-ին էլ ՀՀ պաշտպանության նախարար Սեյրան Օհանյանը հանդիպել է ՌԴ պաշտպանության նախարարին և քննարկել ռազմական կրթության և այլ հարցեր։

• Գրեթե միաժամանակ՝ հունիսի 14-17-ին Իրանում է եղել ՀՀ ՊՆ տեղակալ–ՆՏԱ դեպարտամենտի պետ Մովսես Հակոբյանի պատվիրակությունը, որինընդունել է Իրանի պաշտպանության նախարարը։ Հայկական պատվիրակությունը այցելել է նաև Իրանի ՊՆ ԷԹՔԱ կազմակերպություն, որը մասնագիտացած է սննդարդյունաբերության, տեքստիլ արդյունաբերության, կառուցապատման և այլ ոլորտներում։

• Նույն ժամանակամիջոցում՝ հունիսի 14-15-ին, Արցախում են եղել ՀՀ ԶՈւ ԳՇ պետի առաջին տեղակալ, գեներալ-լեյտենանտ Էնրիկա Ապրիամովը և ՀՀ ՊՆ տեղակալ – ՀՀ ՊՆ ռազմարդյունաբերական պետական կոմիտեի նախագահ Դավիթ Փախչանյանը, որոնց ընդունել է Արցախի նախագահ Բակո Սահակյանը։

• Հունիսի 13-15-ին ՀՀ ՊՆ-ում Չեխիայի պատվիրակության հետ քննարկվել է հայ-չեխական ռազմատեխնիկական համագործակցության համաձայնագրի նախապատրաստումը։ Համաձայնագրով կարգավորվում են ռազմական արտադրանքի մատակարարման, նորոգման, արդիականացման և այլ ոլորտներում հայ-չեխական համագործակցության աշխատանքները։

• Հունիսի 17-ին ՀՀ կառավարությունում անցկացվել է Հայաստանի ռազմարդյունաբերական հանձնաժողովի առաջին նիստը, որը վարել է ՀՀ վարչապետ, հանձնաժողովի նախագահ Հովիկ Աբրահամյանը։ Հանձնաժողովի քարտուղարի պաշտոնում հաստատվել է ՀՀ ՊՆ տեղակալ Դավիթ Փախչանյանի թեկնածությունը: Նիստի ընթացքում հաստատվել են նաև Հանձնաժողովին կից ռազմատեխնիկական և գիտատեխնիկական խորհրդի ենթահանձնաժողովների նախագահների թեկնածությունները։

• Հունիսի 17-ին ՀՀ ՊՆ-ն հաստատել է այն տեղեկությունը, որ 2014-ին Հայաստանը 1,5 մլն դոլարի 1500 միավոր զենք է արտահանել Կոնգոյի Դեմոկրատական Հանրապետություն:

2016-06-18-480x270

• Ռազմինֆոյի հետազոտության համաձայն՝ Հայաստանը և Ադրբեջանն ԱՄՆ-ից ստացել են համապատասխանաբար 124 մլն դոլարի և 254 մլն դոլարի օգնություն ԱՄՆ պետդեպարտամենտի (2000-2017), պաշտպանության նախարարության (2000-2014) և այլ ռազմական օգնության ծրագրերով։

Հայաստան Ադրբեջան
ԱՄՆ պաշտպանության նախարարություն $13 656 663 $126 367 079
ԱՄՆ պետդեպարտամենտ $110 174 138 $127 781 000
Այլ $183 726 $347 832
Ընդհանուր $124 014 527 $254 495 911

• Հունիսի 12-ին Հայաստանի զինված ուժերի խաղաղապահների 56 հոգուց բաղկացած ստորաբաժանումը մեկնել է Գերմանիա՝ Աֆղանստանում միջազգային անվտանգության աջակցության ուժերի կազմում ՆԱՏՕ-ի առաքելությանը պատրաստվելու նպատակով։

Զինված ուժերում մեկնարկած ստուգումներ

• ՀՀ ԶՈւ ուսումնական փուլի ավարտի շրջանակում հունիսի 13-ին ԶՈւ ստորաբաժանումներում մեկնարկել են ամփոփիչ հսկողական ստուգումներ, որոնց նպատակն է գնահատել զորքերի և դրանց կառավարման մարմինների մարտական պատրաստականությունը։

• Հունիսի 1-ից 11-ը ՀՀ ՊՆ Մոնթե Մելքոնյանի անվան ռազմական վարժարանի 1-ին և 2-րդ կուրսի կուրսանտները «Բաղրամյան» զորավարաժարանում մասնակցել են ճամբարային հավաքի, որի ժամանակ անցկացրել են տեսական և գործնական պարապմունքներ:

• Արցախում չպայթած զինամթերքից և ականներից մաքրելու ենթակա տարածքներն Ապրիլյան մարտերից հետո ավելացել են 2,4 մլն քառ. մետրով (240 հեկտար): Մասնագետները շտապում են մաքրել իմացած տեղերը, որ գյուղատնտեսական աշխատանքների ընթացքում դժբախտ դեպքեր չլինեն:

Արցախում խոցված ադրբեջանական ինքնասպան ԱԹՍ-ներից մեկի չպայթած բեկորային մարտագլխիկը

Լուսանկարը «Հալո Թրաստի»:
https://twitter.com/HALO_NK/status/743465201807335424

• ՀՀ պաշտպանության նախարարի հրամանով ստեղծվել է հանձնաժողով, որը զբաղվելու է ամառային զորակոչի անցկացման թափանցիկության և օրինականության ապահովման, զորակոչի ընթացքում քաղաքացիների դիմումներում և բողոքներում բարձրացված հարցերով:

• Հունիսի 15-ին ՀՀ նախագահի ստորագրած օրենքի համաձայն՝ ՀՀ ԱԱԾ որոշ հաստիքներում աշխատելու համար պարտադիր չի լինի զինծառայություն անցած լինելը:

• Բարերարները Պաշտպանության բանակին արդեն հանձնել են 3080 անձրևանոց, հիմա էլ անցնում են 400 վրանների մատակարարմանը: Մատակարարվող ամբողջ գույքն արտադրվում է Հայաստանում։

• 2016թ. մարտի 14-ին մահացած զինծառայող Կամո Մարտիրոսյանի մահվան դեպքի առթիվ պարզվել են դեպքի հանգամանքները, մեղադրանք է առաջադրվել 5 զինծառայողի, որոնցից 4-ը՝ պարտադիր ժամկետային, իսկ 1-ը՝ պայմանագրային:

Հայաստանի նախորդ ռազմաշաբաթն այստեղ։[:]

«Խնդրում եմ hraparak.am կայքին դադարեցնել տարածել մեր մասին չստուգված և իրականությանը չհամապատասխանող տեղեկատվություն».Դավիթ Համբարձումյան

07.07.2020

Չպետք է մոռանալ, որ հայ դպրոցի հիմնադիրը Հայ առաքելական եկեղեցին է ․․․

08.07.2020

«Սորոսի կողմից հովանավորվող տռանս պոռնիկները գալու են ձեր տուն, ձեր երեխաների հետևից».Նարեկ Մալյան

06.07.2020

Մինչև արտակարգ դրության ավարտը ժամկետը լրացած անձը հաստատող փաստաթղթերը կհամարվեն վավեր

07.07.2020

«Ճաշի մեջ ընկած մազը»․ ֆրանսիայի հոդվածը՝ Արսեն Թորոսյանին

08.07.2020

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով