[:hy]ՆԱՏՕ-ի գլխավոր քարտուղարը կոչ էր արել Եվրամիությանը չհանել Ռուսաստանի դեմ պատժամիջոցները[:]

[:hy]Եվրամիությունը պետք է պահի Ռուսաստանի դեմ պատժամիջոցներն Ուկրաինայում ճգնաժամի պատճառով: Այս մասին հունիսի 20-ին բրիտանական Ռոյթերս գործակալության հետ հարցազրույցում հայտարարել էր ՆԱՏՕ-ի գլխավոր քարտուղար Յենս Ստոլտենբերգը՝ պատասխանելով հունիսի 19-ին Գերմանիայի արտգործնախարարի՝ փուլ առ փուլ պատժամիջոցները հանելու առաջարկին:

«Իմ գնահատմամբ ԵՄ-ն չպիտի հանի պատժամիջոցները, քանի դեռ Ռուսաստանի վարքագիծը չի փոխվել: Հավատում եմ, որ այդ հարցի շուրջ ԵՄ-ում լայն համաձայնություն կա», — մեկնաբանել է Ստոլտենբերգը:

Նշենք, որ նույն օրը Եվրամիությունը արտգործնախարարների մակարդակով նիստում 6 ամսով երկարացրեց Ռուսաստանի դեմ տնտեսական պատժամիջոցները: Այդ մասին հայտարարել էր Ֆրանսիայի արտգործնախարար Ժան Մարկ Էյրոնը: Նա արձագանքել էր նաև գերմանացի իր գործընկերոջը, նշելով, որ լայն քննարկում է պետք անել ԵՄ պատժամիջոցների քաղաքականության վերաբերյալ, բայց դա կլինի, երբ հաջորդ շաբաթ Բրյուսելում կհանդիպեն ԵՄ ղեկավարները:

Նա նշել է նաև, որ Ռուսաստանը պետք է կատարի Մինսկի համաձայնագրի իր պարտավորությունները:

Հիշեցնենք, որ Միսկում 2015թ. փետրվարի 12-ին Ուկրաինայի ճգնաժամի հաղթահարման ուղիների որոնման վերաբերյալ բանակցություններում ձեռք էր բերվել համաձայնություն, ըստ որի՝ փետրվարի 15-ին՝ տեղական ժամանակով ժամը 00:00-ին, հայտարարվել է հրադադար, որը, սակայն, կողմերը չեն պահպանել, իսկ հետագայում էլ վերսկսել են ռազմական ակտիվ գործողություններ:

natox320[:]

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով