[:hy]«Կազո՞ւս, թե՞ կոռուպցիա. դուք որոշեք» (տեսանյութ)[:]

By | 08.06.2016
Загрузка...

[:hy]«Լրանում է մեկ տարին, ինչ խաղողի հանձնած բերքի դիմաց մեծաթիվ մարդիկ չեն ստացել գումարները։ Խոստումներ է տվել կառավարությունը, որ կօգնի, չի օգնել»,-ԱԺ-ում այսօր նշեց ՀԱԿ պատգամավոր Արամ Մանուկյանը։ Նա շեշտեց նաև, որ կոռուպցիոն ռիսկ է տեսնում գյուղատնտեսության վիճակագրության առումով։ «Լոլիկի և պանրի հետ կապված պաշտոնական վիճակագրության մեջ նշված է. լոլիկի  ցանքատարածությունները 3 տարվա ընթացքում չեն աճել, արտադրությունը չի աճել, ներմուծումը նվազել է, իսկ արտահանումը 6 անգամ ավելացել է։ Սա կամ կազուս է, կամ կոռուպցիա է, դուք որոշեք։ Պանրի դեպքում նույնը. արտադրությունը չի աճել, ներմուծումը նվազել է, արտահանումը 5 անգամ ավելացել է»

«Լոլիկի ցանքատարածություններն ավելացել են և բերքատվությունն է ավելացել։ Վերջին 2 տարիներին շահագործման է հանձնվել 110 հա ջերմոցային տնտեսություններ, որտեղ հիմնականում մշակվում է լոլիկ և վարունգ»,-պատասխանեց Գյուղատնտեսության նախարար Սերգո Կարապետյանը։

«Ե՞րբ են փակվելու գյուղացիների պարտքերը»,-արձագանքեց Արամ Մանուկյանը։

«Խաղողի ծավալները մեծ էին։ Այսօր մենք 32 մլրդ դրամի մթերված խաղողի դիմաց վճարում ենք և մնացել է ընդամենը 1 մլրդ 300 մլն դրամ։ Գումարների վճարման ուշացումն ունի իր հիմնավոր պատճառները. կոնյակի և գինու արտահանման ծավալները կտրուկ պակասեցին ու այդ պատճառով մթերող կազմակերպությունները չկարողացան ժամանակին վճարել»,-նշեց գյուղնախարարը։

manukyan6

«Ա1+»[:]

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Загрузка...