[:hy]ԵՎՐՈ-2016. ԻՍՊԱՆԻԱՆ ՋԱԽՋԱԽԵՑ ԹՈՒՐՔԻԱՅԻՆ (ԼՈՒՍԱՆԿԱՐՆԵՐ, ՏԵՍԱՆՅՈՒԹ)[:]

[:hy]Եվրոպայի 2016թ. առաջնության D խմբի երկրորդ տուրում Իսպանիայի ընտրանին «Ալյանս Ռիվյերա» մարզադաշտում ընդունեց Թուրքիայի հավաքականին:

Հանդիպումը մեկնարկեց կողմերի հավասար պայքարով: 11-րդ րոպեին Իսպանիայի ընտրանու պաշտպան Խորդի Ալբայի գեղեցիկ փոխանցումից հետո Ալվարո Մորատան գնդակը կարող էր ուղարկել մրցակցի դարպասը, սակայն Թուրքիայի հավաքականի պաշտպանի շնորհիվ գնդակը դիպավ դարպասաձողին:

29-րդ րոպեին Նոլիտոյի փայլուն հարվածից հետո գնդակը շեղ ընթացք ունեցավ: 33-րդ րոպեին թեթեւ վնասվածք ստացած Խերարդ Պիկեն, ով բժիշկների կողմից օգնություն ստանալուց հետո կարողացավ շարունակել հանդիպումը:

34-րդ րոպեին Նոլիտոն գնդակն ուղարկեց տուգանային հրապարակ, որտեղ Ալվարո Մորատան գլխի հարվածով բացեց հանդիպման հաշիվը: Րոպեներ անց կրկին աչքի ընկավ Նոլիտոն, բայց այս անգամ գեղեցիկ գոլով:

Հանդիպման հաշիվը ջախջախիչ դարձավ ընդմիջումից հետո: 48-րդ րոպեին Ալվարո Մորատան մոտ տարածությունից գնդակն ուղարկեց թուրք դարպասապահ Վոլկան Բաբաջանի պաշտպանած դարպասը:

Այսպիսով, Իսպանիայի ընտրանին ջախջախեց Թուրքիայի հավաքականին եւ ապահովեց տեղը մրցաշարի փլեյ-օֆֆում:

Մրցող թիմերը խաղադաշտ դուրս եկան հետեւյալ մեկնարկային կազմերով.

Իսպանիա — Դե Խեա, Խուանֆրան, Ռամոս, Պիկե, Ալբա, Բուսկետս, Ֆաբրեգաս, Ինիեստա, Սիլվա, Նոլիտո, Մորատա

Թուրքիա — Բաբաջան, Գյոնուլ, Բալթա, Էրկին, Տուֆան, Թոփալ, Օզյակուպ, Ինան, Թուրան, Չալհանօղլու, Յիլմազ

Հավելենք, որ վաղը՝ հունիսի 18-ին տեղի կունենան Բելգիա-Իռլանդիա (Խումբ E, Երեւանի ժամանակով 17:00-ին), Իսլանդիա — Հունգարիա (Խումբ F, 20:00) եւ Պորտուգալիա — Ավստրիա (Խումբ F, 23:00) հանդիպումները:

Իսպանիա — Թուրքիա՝ 3:0

Գոլերը՝ Մորատա (34, 48), Նոլիտո (37)

during the UEFA EURO 2016 Group D match between Spain and Turkey at Allianz Riviera Stadium on June 17, 2016 in Nice, France.

Լուսանկարները՝ Getty Images-ի[:]

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով